السلام عليكم ورحمة الله وبركاتة
ازيكم يااحلي فاتوكات
خطر في بالي من شوية السؤال دا هو احنا بنخس ونتعب نفسنا ليه هما التخان كانوا ماتوا يعني ماهم عايشين اهو وحتي لو جربت اعمل رجيم مش هاستمر يوم علي بعضه وهابوظ يبقي ايه لازمته من الاول
فعلا في ناس بتقول كدا
اولا احنا بنخس ليه؟؟؟؟؟؟؟؟؟؟؟
انا باخس علشان نفسي انا وبس علشان صحتي علشان مااخافش امشي في الشارع واسمع تريقه من هنا وهنا وابقي خايفة حد يقابلني ويقولي تخنتي يالولوووووووو عن اخر مرة شوفتك انتي مش ناوية تخسي والا ايه ؟؟؟؟؟؟؟
علشان متمشيش زي الي عندها 100سنة مش قادرة تتنفسي ولا تمشي وبتنهجي وحالتك بالبلا
باخس علشان امشي كدا ولو اني مش باحب الجملة دي بس مضطرة اقولها
بامشي علشان اقول يأرض اتهدي ماعليكي قدي من كتر الرشاقة والثقة بالنفس مش اتهدي من كتر التخن ههههههههههههههه
بتخسي علشان مش كل ماندخل محل الاقي الرد المعتاد سوري معندناش المقاس دا المقاسات الخاصة مش موجوده ولنفترض ان قطعة جت المحل غلط ودخلت فيكي ههههههههههه تلاقي منظرها مقرف جدااااااا والدهون يمين وشمال كدا طالعة بتخسي علشان تدخلي تقولي انا عايزة من دي مقاس لارج او ميديم كدا مش اربعة والا خمسة اكس هههههههه اذا دخل أساسا
وكمان بقي ياسلام لو التليفون رن وحد بيعزمك علي فرح والا خطوبة والا غدا والا أي حاجة تلاقي اول حاجة تخطر في بالك هو انا هالبس ايه يبقي مااروحش احسن واتحجج بقي اصلي عندي وعندي وانا مثلا في الاول كنت اقول اصلي عندي شيت اصلي عندي ميد ترم اصل عندي عملي اصل واصل وانا مباروحش الكلية أساسا ههههههههههههه
هاخس علشان لما احب اكل مش افضل متدارية من الناس وادخل اكل لوحدي علشان محدش يتريق ويقول تخينة وبتاكل كمان هي ليها نفس تاكل دا انا لو منها كنت قاطعت الاكل والشرب هههههههه
بتخسي علشان تعيشي سنك علي اختلافه مش تعيشي سن اكبر منك ب10 سنين علي الاقل
انا بقي كنت باخس علشان اتخلص من كلمة موداااااااااام دي بأكرهاااااااا جداااااااااا الي هي مدام يعني هههههههههه وياسلام بقي لما حد يقول انسة بابقي مبسوطة واستغرب انا طيب احم احم ههههههه
بتخسي علشان مش بعد كام سنة تلاقي نفسك دخلتي في سمنة مفرطة وجالك الضغط والسكر وضهرك بيوجعك وركبتك ومش بتتحركي يجيبولي بقي ونش يشيلني بعد كدا ههههههههههه طيب ماانا فيها اهو ماالم نفسي واخس بمزاجي بدل مايجي وقت اضطر اخس غصب عني وماابقاش قادرة ساعتها
باخس علشان نستمتع بالدنيا ونعيش كل لحظة فيها واحنا مبسوطين كدا مش متداريين ورا التخن ومحبوسين بناكل ونشرب وننام وخلاص
يبقي انا هاخس علشان ثقتي بنفسي تبقي عالية كدا وامشي مفتخرة بنفسي كأني ملكة جمال العالم ماشية وانا ولا حلوة ولا نيلة بس الثقة بالنفس بتعمل كدا وذيادة ههههههههههه وباخس علشان اتجنب الامراض الي ممكن التخن يسببهالي وباخس علشان اقدر البس الي انا عايزاه مش الي الاقيه مقاسي اذا لقيت أساسا وغالبا متتعبيش نفسك وتدوري لانك مش هتلاقي خسي اسهل ههههههههههههه
بتخسي علشان جوزك ميسمعكيش انك تخينة في الرايحة والجاية وتلاقيه يبص ويقولك شوفي فلانة وعلانه انتي مش شايفه منظرك بقي عامل ازاي ؟؟؟؟؟ظ انتي لسه بتاكلي وتلاقي نفسك مكتئبة ومش طايقة نفسك
انا كنت باخس علشان مش كل مالاقي واحدة تقولي يالولوووووووووو لو تخسي بس شوية هتلاقي العرسان طوابير كداااااااا حرام تضيعي نفسك كدااااا
من كترهم اوي وعلي اساس ان مفيش غيري ما البنات علي قفا من يشيل بس قررت اخس برضة ساعتها
ثانيا التخن زيه زي أي مرض ارضي بشكلي كدا وخلاص هو انا كنت خلقت نفسي يعني وبعدين هو الخسسان بالساهل كدا محدش كان غلب ؟؟؟؟؟؟؟؟؟؟
لا مين الي قالك انه زي أي مرض لا طبعا الامراض التانية صعب علاجها وربنا هو الي بيكتب هتخفي منها والا لا لكن الخسسان دا بايدك بعد الاستعانه بربنا لان بايدك تعملي رجيم وتخسي صح ؟؟؟؟؟ظاكيد مش هتعملي رجيم هتلاقي نفسك تخنتي يبقي انتي في ايدك تخسي
الامراض التانية الناس مش هتتريق عليكي وتقول عندك القلب بعد الشر عننا كلنا لكن هيقولوا دي تخينة وكل الالفاظ الي تتخيليها ليه بقي انا احط نفسي تحت رحمة الناس الي هيتريق والي مش هيتريق ليه ابقي خايفه ومكسوفه من الناس علي طول كدا ليه ابقي خايفه اتكلم واقول راي علشان تخينه ليه اخاف أواجه الناس علشان تخينه ليه اخاف اول حاجه تطلع غلط احسن يتريقوا ويقولوا تخينه ليه اضيع احلي سنين عمري الي هاضرب نفسي سوري بالشوز عليها علشان تخينه ليه و100 ليه كل دا علشان الاكل اندفن بالحيا علشان شيبسي والا محشي والا أي نوع ليه هو الاكل هيطير ماهو موجود وبعديش مش يمكن علي مانخس يكونوا اخترعولنا اكلات جديدة ههههههههههههههه
ليه انا اعمل في نفسي كدا اظن كل واحده فينا نفسها عزيزة عليها وتحب تخليها في السما دايما واحنا بتخننا بنحطها في الارض هههههههههه صح ليه كدا طيب ماام نفسي والتزم بالرجيم وخلاص
يبقي التخن مرض اه لكن له علاج وعلاجة في ايدي انا بس محدش هيدخل جوا بقي اكل انا مش عايزة اكله صح يبقي انا الي باقرر انا عايزة ايه يبقي اشوف انا عايزة ايه واعملة
يبقي من انهاردة كل واحدة تقرر هي عايزة ايه ؟؟؟؟؟؟
عايزة تعيشي حياتك زي ماانتي تحبي تعشيها يبقي تتخلصي من التخن بانك لو تخينة تلتزمي بالرجيم لغاية ماتوصلي لهدفك
عايزة تدفني نفسك بالحيا ويبقي عندك 30 سنة وتعيشي كان عندك 50 سنة كلي واشربي ونامي وخلاص
بس خدي قررارك وشوفي تحبي تبقي ايه ؟؟؟؟
دا مش جروب ولا حاجة انا بس كان عندي كلمتين محشورين في زوري قولت اجي اصدعكم بيهم ههههههههههههه هو انا عندي يعني مين غيركم ادوشة
اوعوا حد يخرج من غير مايرد ويقيم انتم حرين هههههههههههههه
اقابلكم علي خير
بحبكم في الله يأحلي فاتوكات
[/quote][/font][/size][/color][/center]
behind my smile behind my smile 694811_1.gif فتكات هايلة Fatakat 694811 بلادي يابلادي انا بحبك يابلادي – الله الله يامصر