هاي يا فتوكات عملين ايه يا قمرات
دا اول موضوع اكتبه اتمني انو يعجبكم ويفيدكم
عاوزه تعملي رجيم حلو من غير ما تتبعي نظام غذائي جامد عليكي
اهم حاجه تبعدي عن النشويات والدهون في الاكل
وتركزي ع الخضار والفواكه عشان طبعا وشك ينور ومتلقيش وشك اصفر وبهت وتقعي من طولك
ودي بقي شويه اطعمه بتساعد ع انقاص وزنك
اول حاجه الجريب فروت :
دا بقي محارب للدهون ، و أثبتت دراسة علمية جديده بجامعة كاليفورنيا ، أن تناول نصف حبة من الجريب فروت بعد وجبه الغدا نتساعد على خفض الوزن .
البحث اعتمد كبسولات الجريب فروت والعصير والثمار الطازجة ، فلقي في النهاية أن الاحسن هو انك تكلي فاكهه .
و كمان نصف ثمرة الجريب فروت بيكون فيها 39 كالوري .
تاني حاجه الشاي الأخضر :
اللي الناس كلها شيفاه ليه اثار ضاره وميعرفوش فوايده الحقيقيه ، إنه غني بمضادات الأكسدة ،وبيحسن عملية الهضم بالنسبة لمرضى عسر الهضم ،
وبيحسن صحة القلب ، ينظم الضغط والسكر ودرجة حرارة الجسم ، وكمان بيرفع مستوى حرق السعرات الحرارية
وبالتالي يساعد على خفض الوزن .
اشربيه كل يوم عشان حرق السعرات الحرارية ،وخلي في بالك أن بعض الدراسات أكدت أن خمس أكواب كل يوم ليها مفعول السحر عشان تقضي ع الدهون على الدهون .
تالت حاجه بقي السردين :
مش بينمي الذكاء بس زي باقي أنواع الأسماك ، لكن كمان هو فيه بروتين وسعره في متناول ايدك .
كمان عيزه اقولكم أن السردين بيساعد على موازنة السكر في الدم ، وكمان بيقلل السعرات الحراريه
السردين مصدر رائع لـ (الأوميجا 3)المهم لنضارة البشرة واللي ميخليش شعرك يقع و اظافرك تتشقق وكمان بيخلي مزاكك معدول وطالما أن مزاجك معدول فأنتِي موش هتطري تكلي زي المفاجيع
رابع حاجه بقي والاخيره القرع ( اليقطين )
وهو احسن اكل عشان خفض الوزن ،لانه مليان الألياف ،بيكون فيه 40 سعر حراري بس ، كليه زي كحساء أو اطبخيه و حطي عليه حبه سكر دايت أو السكر العادي .
ولو بعدي عن الأرز والمعكرونة قدر المستطاع ، ومشيتي ع الحجات دي هتلاقي وزنك نقص.
المهم متتصربعيش وافتكري ان كل ما ينقص وزنك بسرعه اكيد هيزيد بسرعه
متنسوش التقييم بقي وتقلولي رايكم ايه
*nora* *nora* 349550_3.gif فتكات ست الكل Fatakat 349550 بيت الزوجيه – مصر