بسم الله الرحمن الرحيم
طبعا فيه كتير مننا عايزين ينزلوا وزنهم لاسباب كتير
منها اللبس اللى معتش بيدخل فينا
وكل ماندخل محل ونلاقى لبس شيك ومنعرفش نجيبه عشان مفيش منه مقاسنا
كمان ملامحنا وشكلنا اللى بقى عاطينا اكتر من عمرنا
كمان التقل بيعمل قلة فى الحركه وبيأثر على العضم والمفاصل
ده غير نظرتك لنفسك ونظرة الناس ليكى
ولما تيجى تقارنى نفسك ايام ماكنتى رفيعه وشكلك دلوقت وتبصى لصورك وتلاقى الفرق
فانا بصراحه بقالى مده نفسى اعمل نظام واخس عليه ومن بعد بحث
لقيت ان افضل نظام هوه التخفيف
يعنى الابتعاد قدر الامكان عن النشويات والسكريات والدهون
والاهتمام بأكل الخضروات والفاكهه والبروتينات والالبان قليلة اوخالية الدسم
انا مش عايزه فى الجروب اكتر من عشر بنات
هنعمل لينا نظام وهيبقى نظام حياتنا
عايزين نعمل رياضه يوميه وابسطها المشى
عايزين نحافظ على الفروض ولو الاذكار كمان وقراءه القران
عايزين يكون الاهتمام كلى يعنى بشره وشعر وتخسيس وعباده ورياضه
ولو حد منا عنده معلومه او وصفه او نصيحه او خلطه تفيد فى التخسيس او التجميل تقولها
الجروب هيكون عباره عن مسابقه بينا ونشوف مين فينا اللى هتفوز كل اسبوع
وهنفضل مع بعض لحد مانحقق هدفنا بصحه وعافيه ونفرح
انا اخترت نظام التخفيف لان النزول ببطء افضل مية مره من النزول بسرعه
طبعا عشان الوزن مش يرجع تانى ويكون نزول بصحه
عايزه من كل واحده هتشترك تكتب طولها ووزنها والوزن اللى عايزه توصله
مستنياكم
ولما يكتمل العدد هنفتح الجروب ونبتدى ان شاء الله
الحمد والشكرلله الحمد والشكرلله فتكات هايلة Fatakat 258630 المدينه المنوره – السعوديه