اهلا وسهلا بيكوا يا احلى فتوكات بالعربى كده ومن غير اى كلام كتير
انا فكرت اعمل جروب لكل الللى صايمين (وطبعا مش لازم يكونوا مسيحيات واى فتوكة عاوزة تعمل ريجيم نباتى )
انا كتبت العنوان يدل على الصيام علشان احنا فى الجروب ده هنعمل ريجيم للى بياكل نباتى يعنى كل واحدة عاوزة تشترك معانا هتخلى بالها انها مش هتاكل اى نوع لحوم او فراخ او اى مشتق حيوانى وده هو نوع الاكل المسموح به فى الصيام عندينا
علشان كده هيكون ريجيم نباتى وفرصة حلوة قوى كل الفتوكات الصايمين علشان فيه صيام انقطاعى واكلنا هيبقى قليل وممكن نخس كتير قوى فيه قبل ما نفطر ونسوى الهوايل بقى وانتوا عارفين ده كويس ههههههههههه تمام كده
وبأكد قبل ما اكمل كلامى الجروب لكل فتوكة هنا تمام
ناجى بقى لفكرة الريجيم هنا
انا لاحظت يا بنات لما بعمل ريجيم بخس اول اسبوع وبعدين محلك سر مش بخس وكمان ممكن ازيد وامل من الريجيم الغير فعال ده وارجع انيل الدنيا تانى
تمام
فكرت نعمل جروب فيه نوع ريجيم كل اسبوع
يعنى الفكرة مبسطة:
كل اسبوع نعمل نوع ريجيم معين ويبقى اليوم الفرى فاصل كل نوعين يعنى كل اسبوعين والوزن كل اسبوع
علشان نعرف ايه اكتر نوع ريجيم اتاثرنا بيه
تمام لغاية كده
انا هستنى ارائكم ولو شوفت فى بنات عاوزين يبتدوا معايا
انا هبتدى اجيبلكم الجداول وانظمة الريجيم ونمشى مع بعض عليه
يلا انا مستنية ارائكم فى الفكرة دى
الاستاذة مريم المحامية الاستاذة مريم المحامية فتكات رائعة Fatakat 279951 الاسكندرية – مصر