ازيكم يابنانيييييييييييييت ياقمرااااااااااااااااات ياحلى فتوكااااااااات فى الدنيا
شوفوا بقى ياحلوين طبعا كتير مننا شكل جسمها مش مريحها ومسبب لها مشاكل
واحيانا اكتئاب بسبب احراجها من شكلها او من كلمة من واحدة غلسة تقولها
انتى تخينة او كلبوظة او حتى تبقى فى المكان اللى بتدرس فيه او حتى بتشتغل مشهورة
بكلمة بكابوظة صح ولا انا غلطانة
طبعا كل ده كوم ويوم ما نفكر نشترى هدوم ونروح محل ويعجبنا طقم وتيجى تسالى عليه
تقولك لالالالالالالالالالا مش معقولة ده يجى مقاسك ولا انتى ماتلاقيش مقاسك هنا خالص
طيب ماشى اخرة الرغى والكلام ده كله ايه كفاية بقى عقدتينا اكتر مااحنا متعقدين
هو انتى جاية تانبينا قوليلنا عاوزة ايه يعنى بعد ده كله
اقولكم انا نعمل ايه عشان نحل المشكلة اللى تعبانة دى
الحل هو الارادة ثم الارادة ثم الارادة ومعها التشجيع
يعنى مثلا انا عن نفسى لما ابدا فى الدايت مش بلاقى تشجيع من حد خالص
وطبعا بالتبعية بتنعدم الاراداة لان مش لاقية اللى يقولى كفاياكى عك بقى وارحمى نفسك
من هنا بقى انا فكرت فى عمل الجروب ده لان كل ماادخل على جروب
عشان اشترك فيه الاقيه وصل للجزء ال 100 وطبعا مش بحس فيه بالالفة
مع اعضائه لانهم اساسا خلاص اتعودوا على بعض ومش مهم عندهم مين الجديد
فقولت انا اعمل جروب جديد لسة لاول مرة وكل اللى هتشترك فيه تكون تايهة
زيي كدة وعاوزة جروب جديد نووووووووووووووفى
طيب ياحلوين ايه هى شروط الجروب والاشتراك فيه
ااااااااااااااه شروط ماهو اللى اوله شرط اخره نوووووووور ان شاء الله
الشرررررررررررروط ياقمرات
1 – الارادة طبعا قبل اى حاجة عشان نقدر نكمل مع بعض كدة على نور
2 – الالتزام طبعا طيب هنلتزم بايه وازاى
اقولكم
3 – اننا ندخل هنا كل يوم نكتب تقارير يومية عن اللى اكلناه وشربناه وعكناه كمان
وطبعا كل واحدة هتكتب تقريرها هتتقيم من 5 فى اليوم ومن 30 فى الاسبوع
وطبعا هيكون فى يوم فرى فى الاسبوع ياقمرات ويبقى الافضل يوم ثابت للكل
يبقى يوم الجمعة وطبعا الوزن هيكون قبل الفرى عشان نعرف خسينا قد ايه قبل العك
واللى هتكون درجاتها اعلى فى اخر الاسبوع هتكون هى مزة الجروب
وهتمسك التقييم الاسبوع اللى بعده ده غير ان هيكون
ليها شهادة تقدير على مجودها طول الاسبوع وتشجيع لها
واللى هتكون اقل درجة هتكون هى كلبوطة الاسبوع والكل هينادى عليها باللقب
ده الاسبوع اللى بعده لحد ما تتحسن وتبقى مزة ان شاء الله
لازم تعرفوا ان مجرد دخول كل واحدة هنا كل يوم وتقرا يوميات كل واحدة فينا
ده فى حد ذاته مشجع على الالتزام وكمان بنشوف ايه الغلط اللى بنعمله
عشان مايتكررش تانى ابدا ماشى ياجماعة المهم الالتزام
ياريت بقى ياجماعة كل اللى يحب يشترك يكتب لنا كل بياناته وهى كالاتى :
الاسم :
السن :
الطول :
الوزن :
التقرير هيكون شكله يوميا كالاتى ان شاء الله
الفطار :
الغداء :
العشاء :
المية : وطبعا ماتقلش عن 2 لتر فى اليوم احنا فى الصيف واظن دى حاجة سهلة
الرياضة : ماتقلش عن نصف ساعة فى اليوم حتى لو هتتمشى فى البيت
المهم تعمل رياضة كل يوم وخلاص
التقييم هيكون ازاى بقى
الفطار : درجة
الغداء : درجة
العشاء : درجة
المية : درجة
الرياضة : درجة
يبقى كدة مجموع اليوم من 5 فى 6 ايام يبقى ب 30 درجة فى الاسبوع
نيجى بقى للنقطة المهمة وهى نوع الدايت اللى هنمشى عليه
طبعا كل واحدة ممكن تمشى على الدايت اللى يعجبها
رجيم سعرات ، رجيم هرم غذائى ، رجيم لقيمات ، رجيم كميائى
اللى يعجبك تقدرى تمشى عليه
لكن برضه انا هعمل اللى عليا وهنزل لكم رجيم كل اسبوع
للى تحب تمشى عليه معايا اتفقنا يابنات
ياريت بقى ياجماعة كل اللى تدخل وتقول عاوزة تشترك تبقى عارفة
انها هتلتزم لو مش هتقدر تلتزم ياريت بلاش تتعب نفسها فى الكتابة وتتعبنا معاها
ده دايت الاسبوع الاول يابنات
نظام 1 الافطار: بيضه اومليت او مسلوقة او3 معالق فول بدون زيت + ربع رغيف بلدى + شاىبحليب بين الفطار والغدا : لو حسيتى بجوع ممكن اى خيارة او خس او اى واحدة فاكهة المهم يكون قبل او بعد الوجبة بساعتين الغدا : اى نوع خضار عندك حطيه خدى منه مقدار كبشة بس اما نى * نى او متصفى من الصلصة + بروتين صدر فرخه او قطعة لحمه+ 6 ملاعق رز او 8 معالق مكرونة + سلطة او علبة تونة متصفية جيدا من الزيت + نصف رغيف بلدى + سلطة او بيضتين + نص رغيف بلدى + سلطة او جبنة قريش بدون زيت + خيار وطماطم + نصف رغيف بلدى بين الغدا : طبق سلطه فواكه او فاكهة اى نوع العشا : فروت سلاط او علبة زبادى او جبنة + ربع رغيف بلدى ملاحظات هامة : 1- مسموح بتناول النسكافيه مرتين ف اليوم 2 – السكر لا يزيد عن معلقتين فى اليوم 3 – اى نوع تسالى ممنوع 4 – المية لا تقل عن لترين 5 – الرياضة لا تقل عن نصف ساعة فى اليوم ان شالله تتمشى فى الشقة لو ما بتنزليش 6 – ممكن تبديل وجبة الفطار بكيس شبسى صغير ومش كل يوم 7 – مسموح بشرب كانز بيبسى واحد وواحد ايس كريم على ان يكون مرة فى الاسبوع 8 – الفرى الجمعة من كل اسبوع والميزان قبل الفرى بتاعك الصبح
طلب اخير بقى معلهش انا عارفة انى رغيت بما فيه الكفاية
وان شاء الله نتجمع كل يوم من س 9 بالليل عشان نتكلم مع بعض وشكرررررررررررررررررا لكم وعلى حسن قراءتكم للرغى الكتير ده
ويارب يبقى الجزء ده نهايته تكون سعيدة على الكل
كل اللى بيتمنى حاجة تكون اتحققتله يااااااارب ::::::
noray A noray A 470330_10.gif سوبر فتكات Fatakat 470330 القاهرة – مصر