بسم الله الرحمن الرحيم
شوفوا بقى..قبل اى كلام..بعد ما تقروا..وتشوفوا المراجع ..تقيموا..سواء تقييم حلو او وحش
اللى حتدخل الموضوع وما تقيمش حدعى عليها تتخن::
لكن بقى الحلوة القمرة اللى حتقيم..يارب توصل للوزن المثالى بكل صحة وجمال ورشاقة::
انا طالع عينى انا والبنات..وعاملين مرجع للرجيمات…..ومرجع للتمارين…..ومرجع لوصفات التخسيس والجمال….ومرجع للعبادات
فيعنى حد يعبرنا ويقيم ..باى تقييم..وياريت ممتاز طبعا..طماعة؟؟؟؟؟؟؟؟؟؟اخص عليكم ..انا طماعة؟؟؟؟؟؟؟؟
طيب انا راضيه بتقييم ممتاز..يلا..كله يقيم حتى لو ممتاز .انا موافقة…انتوا كرماء واحنا نستاهل
تعالوا نعمل ثورة على نفسنا وعلى طفاستنا وعلى كسلنا
نعمل ثورة علشان كل بنوته حلوة مننا تخرج من كورة الدهون اللى مخبية جمالها
ايه اللى يجبرك انك تكونى منكسرة..ومكسوفة من نفسك ومن جسمك
ان الله جميل يحب الجمال
فيه دكتور تجميل فرنسى بيقول
مافيش انثى مش جميلة..فيه انثى مش عارفة تظهر جمالها
ماشاء الله ربنا يتمم خسسانى على خير
انا خسيت 41 كيلو لحد النهاردة
كنت 127 كيلو والحمد لله اصبحت 86 كيلو
الحمد لله كما ينبغى لجلال وجهك وعظيم سلطانك
الحمد لله ربنا يتم نعمته عليا ويبارك لى فى صحتى
كنت بصلى بصعوبة علشان ظهرى وركبى.وساعات كنت بصلى وانا قاعدة او واقفة..دلوقت بصلى عادى وبمنتهى السهولة
عندى نشاط اكبر من الاول
كنت بطلع السلم مش قادرة اخد نفسى ولازم ارتاح كل دور..دلوقت بطلع ونفسى منتظم وبطلع الدور الرابع مرة واحدة
كنت يا حاجة((حتى من ناس شعرهم كله ابيض)) دلوقت يا مدام..وواحد قال لابنى..شوفتك فى الشارع بس ما رضيتش اكلمك لان اختك كانت معاك
بلبس حاجات كتير كنت محرومة البسها..وبعد ما كنت زى شوال البطاطس ولا شوال القطن..بقى فيه تضاريس منسقة ..وشكلى بقى انثى بجد
احساسى ..انى كنت متكتفة فى بدلة محشية دهون..لاعارفة اتحرك ولا اعيش ولا اتنفس..ودابت البدلة دى وبقيت زى الفراشة ..ما فيش حاجة مكتفانى
بدل ما كنت بتكسف اكل قدام حد.((حتى الاكل القليل)).واستخبى واكمل اكلى بعيد عن العيون اللى بتراقبنى.وبتعد عليا اكلت ايه وتبالغ فى نظراتها حتى لو اكلت اقل من وجبة طفل صغير.دلوقت .باكل بحريتى..
قولوا ما شاء الله..ربنا يتمم على نعمة الخسسان والرشاقة يارب بصحة وعافية انا وانتم كلكم يابنات
هاه….؟؟؟؟؟؟؟؟؟؟؟؟؟؟؟
عايزين نخس بجد..مين عايزة تخس معاي
عايزين نعمل رجيم ورياضة ونهتم ببشرتنا
بس المهم الرجيم اللى يخسسنا واحنا محافظين على صحتنا
مش نصلح مشكلة ونقع فى مشاكل تانية
ماشاء الله ولاقوة الا بالله
ربنا يبارك فى صحبتنا وصداقتنا
ويقلل فى وزننا بصحة ورشاقة
.
.
اهلا بيكم فى الجزء ال41.
عندنا مرجع للفريق فيه كل الرجيمات
والتمارين
والوصفات الخاصة بالترهلات وعلاج السمنه الموضعيه وعلاج مشاكل البشرة والشعر ووصفات لسد الشهيه
الروابط فى توقيعى تحت.
.
وكمان اهى
مش خسارة فيكم
مرجع(الرياضة) لفريق الحلم حيبقى حقيقة.بالذوق او بالعافيه حتبقى رشيقة
مرجع(الرجيمات المعدل)لفريق الحلم حيبقى حقيقة بالذوق او بالعافيه حتبقى رشيقة
مرجع (العبادات)لفريق الحلم حيبقى حقيقة بالذوق او بالعافيه حتبقى رشيقة
مرجع(وصفات الجمال)لفريق الحلم حيبقى حقيقة بالذوق او بالعافيه حتبقى رشيقة
تقرير (استمارة) جروب الحلم حيبقى حقيقةبالذوق او بالعافيه حتبقى رشيقة
.
.اضغطوا على اى عنوان منهم حتدخلوا المرجع طوالى
وياريت تقييم المراجع كمان
طماعة .طماعة
بس برضه قيموا
الاستمارة
تتملى يوميا..ولو حصلت ظروف ما قدرتيش تدخلى يوم املى بتاعة اليومين.او التلاتة اللى غيبتيهم…خلاص؟؟؟؟؟
للاشتراك
لازم الجدية..اللى حينضم جديد حيكون فى الفريق الجديد لمدة اسبوع..لو اثبت جديته وملا الاستمارة يوميا
ينضم للفريق الاساسى
اللى متقسم لفرق حسب التقارب فى الوزن
بنملا الاستمارة يوميا
الحاجة اللى عملتيها تمام تاخدى عليها درجتين..عملتيها نص نص تاخدى درجة واحدة..غير كده يبقى صفر
وبتجمعى الدرجات
وكل كيلو تخسيه تاخدى عليه درجتين
حنجمع مجموع درجات الاسبوع+درجات نزول الوزن
ونعلن اكتر واحده فى المجموع واقل واحده فى المجموع من كل فريق.وفيه هديه وفيه عقاب
الاستمارة اهى
وليها موضوع لوحده الرابط بتاعه فى توقيعى تحت
تاريخ اليوم
نوع الرجيم
مدى الالتزام بالرجيم: =
الرياضة(نوعها والمدة: =
تناول فيتامين او اى مكمل غذائى: =
شرب الماء =
شرب اى وصفة عشبية: =
الدلع والاهتمام بالجسم =
اداء العبادات=
المجموع=
حبيبة_امها حبيبة_امها 202418_3.gif ممنوعة من المشاركة Fatakat 202418 البحيرة – مصر