السلام عليكم ورحمة الله وبركاته
ازيكم يا حلووووين الاول قبل اي حاجة هحكلكم حكايتي مع الريجيم
انا بطبيعتي مليانة من كام سنة عملت دايت ونزلت ووصلت ل 62 طبعا كان جسمي تحفة جدا وتخنت ووصلت لل 85.5 ومشيت مع جروب بنات هنا بقيادة اكستريم وبعدين جروب تاني بقيادة ميوية الشرقاوي ونزلت بتاع 15 كيلو تقريبا بس زدت منهم 10 وعملت دايت ونزلت منهم 5 وشوية ودلوقتي زدت منهم من كيلو ل 2
فا قولت ماليش غير حبيباتي الفتوكات عشان نساعد بعض ونستفيد من خبرات بعض ونشجع بعض
يلا بقى اللي عايزة تشترك تسجل اسمها ووزنها وطولها والهدف بتاعها
دي الحاجات اللي هنعملها خلال فترة الدايت
1- الدايت كل واحده تمشي على الددايت اللي هي عايزاه,
2- شرب من لتر ل 2 لتر ماية في اليوم لان الماية بتنزل الاملاح اللي في الجسم وبتقلل من احتباس السوائل
3- هنشرب 3 كبايات شاي اخضر في اليوم ومن كباية لاتنين قرفة بالزنجبيل لانها بتقلل كمية الدهون اللي في الجسم وعن تجربة
بس البنات المتجوزة وعايزة تجيب بيبي بلاش موضوع القرفة وخليها بس زنجبيل لان القرفة مش كويسة بالنسبة لموضوع الحمل
4- هيكون يوم الميزان هو اليوم الفري وهو هيبقى نفس اليوم اللي بدأنا فيه يعني هنبدأ السبت هيبقى السبت اللي بعدو يوم الميزان ويوم الفري.
5- اول ما تصحو من النوم في يوم الميزان اول حاجة تعملوها بعد ما تصلو وكده تقيسو الوزن
7- كل يوم بليل قبل النوم هنيجي نكتب التقرير اليومي اكلنا ايه في الفطار والغدا والعشا مرة واحده نكتب اللي اكلناه طول اليوم
6-واخيرا طبعا لازم نمشي او عمل رياضة من نص ساعة لساعة او اكتر حسب ما تحبو بس مش اقل من كده
تم تحديد اليوم وهو يوم السبت 16-4-2016 ده اول يوم هنبدأ فيه
على خيرة الله ان شاءالله
BaBy.SmiLe BaBy.SmiLe 144577_5.gif فتكات ست الكل Fatakat 144577 بيـــت العــز يــا بيــتنا.. – قطـــر ♥