السلام عليكم و رحمة الله و بركاته
بصوا بأة الاول الجروب دة مافيهوش ريجيم محدد بس حنخفف و حنكتب يومياتنا ..
بجد التخفيف افضل افضل انواع النظم اللى معروفة فى التخسيس…
قوانينا:
1- الالتزام ثم الالتزام ثم الالتزام
2- كتابة اليوميات كل يوم
3- الفرى كل 10 أيام
ماشى حقولكم بقى الموضوع…
انا الحقيقة من الناس اللى بيجيلها فوبيا من كلمة ريجيم و عندى فى اجندتى ميييييييييييييييت نوع ريجيم ..
اقصى مدة عملت ريجيم فيها مكملتش 4 ايام
دة لاسباب..
1- ساعات كتير مش بينفع اعمل اكل الريجيم
2- مش بحب حد يقولى اااكل ايه!!!….الصراحة زى مانفسى تجيب
3- التخفيف و سياسة النفس الطويل افضل طريق حتى و ان طال …عشان يبقى نظام حياتك
طيب حقولكم حنعمل ايه بالظبط…
الفطار …ربع رغيف بلدى او شامى او نص فينو"لو نفسك جابتك ليه اوى"..توست و معاه اى غموس و مشروبك المفضل بالسكر عادى او لو عندك سكر دايت
الغدا …غدائك العادى بس قللى الكمية شوية او شويتين حسب مابتاكلى قللى…و كترى سلطة اوى اوى اوى
يعنى مثلا ..
عاملة رز و ملوخية و فراخ ..معلقتين معلقتين و حتة فرخة و سلطة كتير ..لو فيه شوربة لسان عصفور خدى حبة صغيرين برضه
و كلى برقة كدة و دلال ..مانتى دلوعة أصلا…
حتى لو مكرونة باشاميل..بيتزا…حتة بس او نص حتة …وو سلطة كتيييييييييير
بالنسبة للعشاء زى الفطار أو زبادى او 2 فاكهة او كوباية لبن.. و معاه حاجة سخنة بسكر او بدايت براحتك…لو مش حابة تتعشى براحتك برضه
بين الوجبات نحاول ننسى الاكل….خلقنا للعبادة يا بشر………
لو جعنا اوى حنااكل واحدة فاكهة او خيار او طماطم
بقول لو جعنا مش لو حبينا نتسلى …اوكىىىىىىىىىىىى
طيب فى حالة اتعزمتى برة عند حد و كان عنده جاتوه او حاجة حلوة…
مينزلش علينا الاكل و ننسى نظامنا ..و برضه منكسفش الناس..
امال نعمل ايه ؟؟؟!!!نقطع الاول من الطبق الحتة اللى حاكلها بمقدار معلقة واحدة و افضل انقنأ فيها طول ما الناس بياكلوا
و بعدين تسلم ايدك و خلصنا على كدة…
طيب لو عكينا فى النص …اكتبى العك بتاعك ….و انسيه و اللى فات مات متعذبيش نفسك..
استمتعتى و خلاص..بس حنلغى الوجبة الجاية..يعنى لو عكيتى بعد الفطار نلغى الغدا .و هكذا…
ايه رأيكم بأة
انا على فكرة حبتدى باذن الله من بكرة و حابة تبتدوا معايا ..ان شاء الله مش حتندموا …و خلينا نرفع شعار…
وداعا دايت…اهلا بالأكل المنظم
أحبكم فى الله
COFFEE COFFEE 244595_1.gif فتكات هايلة Fatakat 244595 مكنونة فى بيتى – عالم غريب عليا
سبحان الله و بحمده