بسم الله الرحمن الرحيم
****رحلة الوصول للرشاقة****
مع (أمنيتي أتغير للأحسن)
ده اسم القروب الاول ليا في فسم الدايت و أتمنى إني اقدر احقق وزني المثالي من خلال القروب ده انا وكل البنات اللي معايا
كل اللي عاوزين تعرفوه عن الجروب هلخصه في عدة نقط واتمنى ان تعم الفائدة على جميع المشتركات
******************************
اولا: بداية الرحلة
السبت5/12/2017
نهاية الرحلة5/5/2016
بنات عاوزه اوضح انا ليه حددت بداية ونهاية للرحلة علشان تعرفوا الهدف من كده
انا حددت البداية والنهاية للرحلة لكذا سبب
السبب الاول: انك هتكوني حاطه هدف معين توصليله في نهاية الرحلة وهتعملي كل حاجه تقدري عليها لانك عارفه ان في وقت معين تنزلي فيه وزنك اللي حددتيه
لكن لو قدامك الفتره مفتوحه انا متأكده انك لو لخبطي في الاكل ولو بكميه بسيطه جدا هتحبطي وتلخبطي الريجيم اليوم كله ده لو ماوصلش لشهر
لكل لما تبقي عارفه ان مفيش وقت وانك في سباق مع جميع المشتركات هتتشجعي اكتر بكتيررر
بس ملحوظه لكل البنات: مش معنى كلامي انك في نهاية الرحله توصلي للوزن المثالي
انتي اكيد عارفه انتي بتنزلي قد ايه في الشهر مثلا وطبيعة الريجيم اللي هتتبعيه والرياضه وهكذا……
يعني مثلا: ما تجيش مشتركه تقولي انها في بداية الرحلة 120 كيلو وعاوزه في نهاية الرحله تكون 50 كيلو!!!!!!
مش معقول يا بنات 
احنا مش عاوزين لا ريجيمات قاسيه ولا ريجيمات كيماويه
براحه على اجسامنا
وان شاء الله قبل ما نوصل لتاريخ انتهاء الرحله تكون كل مشتركه وصلت للوزن اللي تتمناه
ثانيا: قوانين الرحلة من بدايتها لنهايتها
1:ملأجميع بيانات استمارة القروب
2: الالتزام بكتابة اليوميات بشكل يومي و عدم ألتزام أي مشتركة بكتابة اليوميات بشكل يومي لمدة اسبوع بدون عذر حقيقي تعتبر خارج القروب
3:كل مشتركه توضحلنا النظام اللي هتتبعه خلال الرحله واذا كانت هتغيره في أي وقت لااااازم تكتبه في يومياتها
ملحوظه: في مشتركات هيطلبوا بنظام موحد للقروب كله وانا برد عليهم من الاول صعب جداااا ان كل البنات يتفقوا على نظام غذائي واحد لان كل مشتركه لها ظروفها الخاصه بيها والمهم في الاخر ان كل مشتركه تلتزم بظامها الغذائي مهما كان بس رجاااااء لكل مشتركه بلاش الريجيمات الكيماويه والقاسيه احنا عاوزين نوصل للرشاقه بسلام بدون أي أثار جانبيه ومش عاوزين نرجع للسمنه تاني
4: لازم يا بنات الريااااااااااااااااااااااااااااااااااااااااااضه
مهما كانت بسيطه احسن من مفيش
علشان ما نحسش بترهلات اثناء نزول الوزن
5:بنات انا اتمنى من كل مشتركه انها تعمل شريط وزن لنفسها
لان على الشريط هيبقى واضح عندك انتي كنتي قد ايه في بداية الرحله وبإذن الله هتوصلي لقد ايه في نهاية الرحلة وكل ما تحسي انك بتوصلي لهدفك على شريط الوزن هتتشجعي اكتر
6: كل مشتركه تحدد اليوم اللي هتوزن فيه
يعني كل اسبوع او اسبوعين او كل شهر ………….
على حسب رغبة كل مشتركه
المهم اننا كلنا ان شاء الله نوزن في اخر الرحله ونكون الوزن اللي نتمناه كلنا
7: مهم جدااااااااااا
انك تبقي عارفه دوافعك للاستمرار في الرحله وانك توصلي للنهايه وتوصلي لهدفك
مثلا : دوافعي للأستمرار في الرحله
ا: الحصول على جسم رشيق
2: التمتع بصحة ممتازه
وهكذا……………………………….
8: علشان تقدري تحققي اهدافك وتوصلي لوزنك المثالي لازم تحددي عدوك اللي بقف دايما قصادك وبيكون سبب في انك تتركي الريجيم من اول اسبوع
انا مثلا عدوي في الريجيم هو : ضعف الاراده والمقليات
9: بنات علكم بالاستغفاااااااااااااار بنية نزول الوزن بصحة وعافيه وعاجلا وليس اجلا دي اهم حاجه يا بنات علشان التوفيق اولا من الله وبعد كده يجي عملها الجاد في الريجيم
بس المهم النيه الصادقه مع الله قبل بداية الريجيم
ثالثا: استمارة الاشتراك
1: الطول
2: الوزن عند بداية الرحلة
3: الوزن عند نهاية الرحلة بإذن الله
4:نظامك الغذائي المتبع اثناء الرحلة
5: اليوم المفتوح بالنسبالك
6:ميعاد الميزان
7: دوافعك للاستمرار في الرحلة
8: عدوك اللدود اللي هتتغلبي عليه بإذن الله اثناء الرحلة
اخيرا
بنات اتمنى الجديه من كل البنات اللي هتشترك معايا محدش يسجل بياناته لمجرد انه قروب جديد والحماس لمدة يومين وخلاص لان لما واحده بتضعف القروب كله بيتأثر
مسألة ان احنا نوصل للوزن المثالي مش صعبه كل الشكله ان احنا معندناش الاراده والعزيمه على الاستمرا ر على الريجيم فتره طويله
وده اللي ان شاء الله نحاول نحققه في القروب بتاعنا
(الاراده والعزيمه)
لان الريجيماااااااااات مفيش اكتر منها
بس الاراده والعزيمه هى اللي نادره
انا مش عاوزه مشتركات كتير على قد ما اكون عاوزه بنات جاده جداااااااااااا
علشان كلنا نشجع بعض
ان شاء الله يوم السبت الصبح هقفل باب الاشتراك وهجمع كل الاستمارات للبنات واهحطها هنا في الصفحه الاولى
وبداية الرحلة ان شاء الله يوم السبت
بس يا بنات امانه لااااااااااازم الاشتراك قبل يوم السبت وملأ جميع البيانات
ومفيش اشتراك بعد يوم السبت منعا للأحراج
أسفه على الاطاله في الحديث ولكن حبيت اني على قدر الامكان اوضح كل النقاط
هنتظركم اتمنى اني ما اروحش الرحله لوحدي
يارب نوصل كلنا للوزن المثالي بصحة وعافيه ويكون هذا القروب فاتحة خير على جميع المشتركات
أمنيتي أتغير للأحسن أمنيتي أتغير للأحسن 187750_28.gif فتكات غالية قوي Fatakat 187750 طنطا – طنطا