مساء الخيرات ياقمراااااات
بما ان الجزء اللي فات عجبكم واتثبت وبقى موضوع مميز بسببكم قولت اعملكم الجزء التاني علشان احطلكم فيه كل اللي استفادته المرة اللي فاتت ديه
احنا تكلمنا في الجزء اللي فات عن جهاز العروسة اللي يخص الاطباق والمفارش والحلل والصيني والاطباق والكاسات والكوبايات واتكلمنا نجيب عدد اد ايه وانواع ايه واماكن ايه
وده لينك الجزء اللي فات للي لسه مش شافه
كل عروسة تدخل معلومات تفيدك ياعروسة عن الجهاااااز ادخلي لحسن والله هتندمي
https://fatakat.univanet.com/#3330350
في الجزء ده بقى ياعروسه انتي وهي وهي وهي هنقسمه الى 5 اقسام … تاتاتاتااااااا
القسم الاول : هيكون عبارة عن الحاجات اللي اتكلمنا عنها الجزء اللي فات بس مااتكلمناش عنها بااستفاضه
القسم التاني : هيبقى عن المفروشات وبلاخص الملايااااات ايون
القسم التالت : هيبقى عبارة عن لبس العروسه
القسم الرابع : هيبقى عبارة عن اللانجري
القسم الخامس : هيبقى عبارة عن الملابس الداخليه بتاعة العروسه
نبدأ بالقسم الاول الا وهو الحاجات اللي كروتناها في الجزء الاول
مبدئيا كده يابنات هنتكلم عن الحلل انا قولتلكم في الجزء اللي فات ان السيراميك احسن طبعا من التيفال وقولتلكم انه احسن انواع سيراميك في السوق بادريني الايطالي او فالز التركي … بس للاسف فالز التركي ناس جربته وقالت بادريني احسن منه بكتيييييير
طيب فيه حلل جديدة سيراميك نزلت اسمها نيوفلام الكل بيشكر فيها وانا بصراحة عجبتني جدااااا وكنت هموت واجيب منها حلة واحدة حتى بس جيبت حلل كتير ولو كنت جيبتها كنت هبقى ببذر بصراحة
المهم يابنات اشطبوا بقى من قائمة السيراميك فالز التركي وحطي بدالها نيوفلام الحله حلوة اووووي وناس كتير شكرت فيها
وده شكلهاااااا
ثانيا بقى يابنات اتكلمنا عن حلل ارشيا الالماني في التيفال بس مقولتلكمش ازاي تعرفوا الاصلي من التقليد في الجزء ده بقى هعرفكم ازاي تفرقوا بين الارشيا الاصلي من الارشيا التقليد
مبدئيا كده الارشيا الالماني الاصليه مش مكتوب عليها made in germany بيبقى محفور عليها لوجو الشركة في القعر اللي هو ده
ثانيا الارشيا الاصلي بيبقى معاه سي دي بيشرحلك فيه طريقة تنضيف الحلل والمواد المصنعه منها وده شكله
ثالثا بقى العلامة المائيه … الارشيا الاصلي بيبقى على الكرتونة من بره العلامة المائيه وده شكلهااااا
رابعا بقى الضماااان الارشيا الالماني معاها كارت ضمان بيبقى شبه كارت البطاقه كده وبيبقى لونه رمادي وده شكله
بس كده لو لاقيتي الاربع حاجات دول اعرفي ان الارشيا ده هو الاصلي واشتريه على طول
ندخل بقى على البطاطين في الجزء اللي فات كتبتلكم ان احسن البطاطين هي بطانية مورا الاسباني بس عيبها انها غاليه جداااااااا يعني اقل واحدة ب 1000 جنيه
انا بقى اكتشفت مكان بيبيع البطاطين المورا الاسباني ديه بسعر الجمله المكان ده محل اسمه يحيى الحناوي في الازهر بيبيع بطاطين المورا بتبدأ من 500 لحد 800 على حسب هي حفر ولا رسم ولا رسم وحفر ولا معطرة كل واحدة من دول لها سعرها اغلاهم المعطرة وارخصهم اللي رسم بس
اللحاف فوربد بقى يتجاب من الوكيل اتصلي بالدليل 140 خدي منه رقم شركة فوربد واتصلي بالشركة اسأليها على فروعها وشوفي اقرب فرع ليكي وروحي هاتي منه
ده اللي كروتناه في الجزء الاول ندخل بقى على القسم التاني في المشاركة الجايه
مشاركات هامه
(1)
https://forums.fatakat.com/showpost.p…79&postcount=2
(2)
https://forums.fatakat.com/showpost.p…6&postcount=22
(3)
https://forums.fatakat.com/showpost.p…5&postcount=25
(4)
https://forums.fatakat.com/showpost.p…5&postcount=25
(5)
https://forums.fatakat.com/showpost.p…4&postcount=26
(7)
https://forums.fatakat.com/showpost.p…3&postcount=30
roona roony roona roony 575049_2.gif فتكات رائعة Fatakat 575049 القاهرة – مصر