السلام عليكم ورحمة الله وبركاته
ازيكوا ي احلى بنات
طبعا انا بشكركوا جدااااااااااااا على وقفتكم جمبى عشان انزل القاهره اجيب ستايرى
والحمد لله …. الحمد لله
نزلت جبتستاير تحفة
وبأسعار تحفة
كل اللى شافها اتهبل عليها
وانا اتبسطت اوووووووى
ودعيتلكوا كتيييييير
وخطيبى بجد اتبسط اوى
وأهله واهلى وكل اللى شاف الستاير مصدقش من جمالها
طبعا انا من المحلة الكبرى
وناس ردوا عليا ف موضوعى قالولى انزلى طنطا
وفعلا نزلت
روحت عند محلات وليد وماردينى
ولاقيت ماشاء الله اشكار حلوة بكتير
احلى من المحلة عندى بمرااااااااحل
بس ماأدراكوا بالاسعار !!!!
أجمل وأجمل
المتر ب 70 و ب 80
وطبعا انا عاوزه ستاير الشقه كلها
براقع وشيفونات
لاقينا ان سعر الستارة الواحده قماش بس
هيعدى ال 2024 جنيه
ده غير زينه الستاير والتفصيل والفرانشات والذى منه
ومن هنا قررت انزل القاهره
عشان الاسعار
والاهم اوى اوى الموديلات اللى فى بلدى سعرها معقول خساره فيها الفلوس
اشكالهااا تقليديه جداااااا
ونصحونى كتيييييير من فتكات
انى لو عاوزة ستائر اتوجه ع الوكاله
انما لو عاوزة انتيكات او تحف او نجف اروح الازهر
وفعلا روحت الوكاله
نزلت اول مرة انا وخطيبى عشان نعرف المكان
ونشوف هنقدر نوصل ولا لاء
وهحكيلكوا اليوم من اوله
صحينا من 8 تقريبا
ركبنا من المحلة سوبر جيت عبود
وسألنا ناس معانا فى الباص
قالولنا ممكن تنزلوا عبود وتأخدوا سيرفيز
وناس تانيه قالولنا لو نزلتوا تركبوا سيرفيز هتلاقوا الدنيا زحمة اوى
ومش بعيد تقعدوا اكتر من ساعه فى الطريق للوكاله
فقالولنا اركبوا المترو
عشان كده
قولنا للسواق السوبر جيت نزلنا المظلات
ونزلنا المظلات دخلنا المترو ( سألنا الناس وركبنا ) سهل اوى ومش بعيد خالص
وقطعنا تذاكر لرمسيس ونزلنا محطه حسنى مبارك
ومنها ركبنا برضو المترو تانى بنفس التذكرة
لمحطة جمال عبد الناصر
وبكده نبقى وصلنا
خرجنا من المترو وطلعنا سألنا الناس ع الوكاله
مشينا شوية كده جمب كوبرى
وفى بدايه الكوبرى ده (تقريبا اسمه 15 مايو)
هتلاقوا محلات كتييييير بتاع لبس كده فى الشوارع
متعلق على شماعات كتيرررررررر اوى
سألنا الناس طبعا الوكاله منين
قالولنا ادخلوا اى شارع من شوارع اللبس دى شمال
وفعلا دخلنا
ولاقينا شااااااااااااااااارع لانهايه له من اقمشة الستاير
كل الاشكال والالوان
كتييييير جدااااااااااا
حاجة كده متتخيليش انك ممكن تخلصيها فى يوم واحد
كتييييييييييييييييييير جدااااااااااااااا جداااااااااااااااااااا
اشكال مالهاش حصر بجد
موديلات حلوة وموديلات وحشة
موديلات مودرن وموديلات استيل
موديلات شيك وموديلات عادية
بجد مكنتش متخيله كميه المحلات دى كلها
يتبع المشاركة القادمة هقولكوا
لما نزلنا تانى عشان نشترى
المحلات والاسعار وطريقة الشراء فى الوكاله
انتظرونى
يتبــــــــــع
!!!!
أحبكم فى الله
pr!ncess G!rl pr!ncess G!rl 187761_1.gif فتكات ست الكل Fatakat 187761 المحــلهــ الكبـــرى – Egypt