السلام عليكم و رحمة الله و بركاته …
بالله عليكم يا بنات اللى تقدر فيكم تساعدنى متبخلش عليا بالمعلومة …
أنا بإذن الله فرحى خلال شهور و كنت عايزة اقتراحات لقاعات أو يخوت أعمل فيها فرحي بإذن الله …. و تكون كبيرة يعنى عالاقل 150 فرد : 200 فرد حاجة كدة لأن ما شاء الله عيلتنا كبييييرة … و عايزاها كمان تكون سعرها فى المعقول يعنى 8000 كدة و لو فى أقل يبقى ياريت .. لأن الظروف الحمدلله و عايزة أعمل فرح يكون كويس و مش مكلف فى نفس الوقت ….
صحيييح الفرح فى القاهرة و ياريت حاجة فى الهرم أو الجيزة أو على النيل هيكون أفضل و أقرب الأماكن ليا … بس لو فى حاجة حلوة و بعيدة شوية بس بردو جوا القاهرة يبقى كتر خيركم …
ربنا يباركلكم يارب و يسعد كل الى تساعدنى أو حتى تدعيليي ربنا ينولنى مكان كويس و سعره كويس اعمل فيه و الميكب و الطرحة بتوعى يطلعوا حلوين لآنى بإذن الله هعمل طرحة عادية مش سبانش و خايفة اطلع عفريتة زى ما كنت فى الخطوبة و انا الحمدلله فى الطبيعة اجمل بكتير من العك الى حصللى فى خطوبتى …
معلش يا بنات طولت عليكوا … ربنا يسعدكم كلكم و يرزق الى متخطبتش بابن الحلال و المخطوبة يجمعها بخطيبها قريب جدا و المتزوجة يسعدها بجوزها و عيالها و يرزقها بالخلف الصالح بإذن الله عن قريب
jessy meda jessy meda 612434_9.gif سوبر فتكات Fatakat 612434 مدينة السادس من اكتوبر، الجيزة – مصر