السلام عليكم ورحمه الله وبركاته
ازيكوا يااحلى بنات
انهارده انا جايه اقولكوا انا قررت اعمل ايه وعلى فكره مش هخلص كلامى الا لما اقنعك انتى كمان ونعمل كلنا كده فى مطبخنا
انا ملاحظه ان كل لما نروح نزور اى بنت متجوزه انها طبعا وكالعاده راصه كل الكوبايات والكاسات كوووووووولها فى النيش
انهارده بقى انا جايه نفكر سوا بالعقل
اولا : طقم الصينى
ليه يابنات بنرص 3/4 الطقم فى النيش والباقى بنرجعه تانى فى الكرتونه بتاعته ونشيله هو انتى مش واخده بالك ان طقم الصينى دا كل يوم بيطلع طقم موضته احلى من اللي قبله طيب ماتتمتعى بيه بصى بقى انا قررت ايه
قررت انى هعرض اللى هعرضه فى النيش والباقى هخصص ليه درفه فى المطبخ علشان فى اى وقت اطلع واعمل اكل فيه ليا انا وجوزى اله اشمعنا الضيوف تاكل فيه واحنا لاء وهنفضل ناكل فيه كل يوم يعنى مش اطباق دى ولا ايه
طيب بالنسبه لطقم الشاى اللى موجود في طقم الصينى وطقم القهوه كمان بما اننا شاريين طقم قهوه منفصل فى النيش خلاص يبقى طقم الشاى والقهوه كمان اللى فى طقم الصينى استخدميه انتى وجوزك طبعا بدل مانعمل الشاى فى كوبايه ازاز او ماج او كده على فكره الاتراك بيشربوا الشاى فى فناجيل شاى صينى روووووعه وبتكون فى منتهى الشياكه
نيجى بقى
ثانيا شنطه المعالق
كمان بتتشال زى ماهيا فاى النيش ولما بيجى ضيوف بتطلعى منا طيب ليه ماتطلعيش منهم يابنتى تاكلى فيها صدقينى انا ليا صحبتى ماتت بعد ماتجوزت بسنتين ولا لحقت تتهنى بحاجتها لانها كانت شيلاها
انا قررت ان خلاص من انهارده مفييش حاجه اسمها هشيلها المعالق المعاق جزء منها فى النيش والنص التانى فى المطبخ
عايزاكوا تقتنعوا بحاجه ان اللى انتى ياما عيشتى تشيليه علشان جهازك خلاص جه اليوم اللى اتجوزتى فيه وتتمتعى انتى وحبيبك وخلاص من يوم ماتتجوزى ماتشليش حاجه ولا تبخلى على نفسك
ثالثا الكاسات واطقم الخشاف
الحجات دى مش هينفع انك تعرضيها فى النيش العمر كله لا خالص على فكره انتى زى ماتحطى منهم فى النيش حطى ادم فى المطبخ يعنى حطيتى 3 اطقم فى النيش باقى اطقم الكاسات فى المطبخ زى الخشاف لو اتكسر طبعا طلعى اللى فى النيش واستخدميه مش للضيوف اصلا مع تقدم السنين هتلاقى نفسك بتجددى النيش وترجعى تقولى الحاجات اللى فيه قدمت اوى اقولك على فكره
انا قررت انى هحط الكاسات الساده بما انى هفرش مودرن ان الكاسات الساده كلها هحطها فى النيش لانها عمر موضتها ماتبطل ابدا
رابعا بالنسبه لشنطه السكاكين
مفيهاش كلام طبعا اكيد مش هتشيليها طبعا انا كمان قررت كده
طبعا انا قررت شويه حجات صغيره بتمنى كل البنات تعمل كه وان شالله حد ماحوش يعنى عشانا نحرم نفسنا ونشيل علشان جهازنا يبقى احلى جهاز معقول كمان بعد الجواز تشيلى كمان !! نورتونى الحبه الصغيره دول :*
lowa el lowa el 1087614_3.gif فتكات متميزة Fatakat 1087614 Maadi – Egypt