ازيكم يافتوكاتى الحلوين وحشتوووووووووووووووونى النهرده جايلكم بعد ما اتجوزت وحابه افيد اى واحده كانت محتاسه ومش عارفه رسها من رجليها زيى …يلا نبدء….
أحكيلكم ايه ولا ايه بس دى رحله طويله أوى كلمة النهايه فيها بتتكتب يوم صباحيتك
يلا الحمد لله عدت على خير …عقبال يارب كل البنات تدوق التعب ده والفرحه الى فى اخره برده
ننظم التصايح فى نقط عشان محدش يتوهه منى
1-هبتدى من يوم الحنه وهقولك بالله عليكى حاولى تخلى الحنه قبل الفرح بيوم حاااولى والله مهما قولتى هعمل حسابى متعبش اوى فى الحنه وافوق تانى يوم فى الفرح لا هتتعبى وهتتهلكى وكل الى فى البيت هيبقى بايت مش شايف قدامه ومش هيبقى فايق فى الفرح انا للاسف وقعت فى الغلطه دى وكنت تقريباا نايمه فى فرحى تخيلو ليلة العمر تبقى بتنامى على نفسك؟ يلا الحمد لله
2-قبل ما انسى عاوزه ااقولكم على موضوع الغاز لو الغاز مش متوصل (يعنى هو راكب فى الشقه بس ناقص يتوصل ببوتجازك)تروحى جرى شركة الغاز وتقدمى طلب وهما يحددو المعاد ..الموضوع مش كوسه ده دور متسجل عندهم على الكمبيوتر ومينفعش يجيلك قبل حد لمجرد انك عروسه ومهما كان الحاجه اللى عايزاها منهم بسيطه هتستنى الدور برده ….. انا الغاز اتركب عندى بعد اسبوعين من الجواز واتبهدلو معايا فى البيت من الطبيخ وبعت الاكل سخن
3-تانى وتالت ورابع وزى اى موضوع هنا مكتوب فيه متكترررريش فى حجاااات المطبخ انا اول واحده كنت بقرا النصيحه دى بس برده كترت من غير ما اخد بالى ..انا كنت عامله على الناس الى هتيجى تقول دواليب المطبخ فاضيه ولا ايه طلع ولا فى حاجه من دى بتتشاف هو صحيح معقول هفتح للناس درفه درفه اوريهم انا جايبه كم حله وكم مصفى؟ المهم بالنسبه للحلل مش عاوزاكى تجيبى الا تيفال نضييييف وستالس نضييييف وبسسس الصاج ده ولا له اى 300لازمه
4-التعطير يابنات ياريت متهملوش الموضوع ده وتقولو كده كده الشقه جديده والريحه حلوه من تالت يوم ريحة الزباله بتقلب الشقه وزهووت الشقه بتروح …كم جرام برفان وحقنه ده كل الى هتحتاجيه …تسحبى بالحقنه من البرفان وتحطيها فى الكنب والمراتب وياريت السجاد كمان كل الى ينط على السرير او يقعد على كنبه هيشم ريحه تحفه …بس ابقى افتكرينى وادعيلى
5-معلش النقطه دى محرجه شويه بس انا قعدت محروجه ومكسوفه لحد ما انا الى كنت بموووت من الوجع مش حد تانى ..عاوزاكى متدخليش من باب الشقه انتى وجوزك بعد الفرح الا ومعاكم كريم او جل لتسهيل الجماع ..الموضوع ياجماعه مستحيييل يتم الا بحاجه تسهل مهما قولتى هسيب كل حاجه طبيعيه مش هتستحملى الوجع …يلا مش لازم اخوفكم بس بالجل ده كل حاجه بقت تمام بس بعد ايه بقا بعد اسبوع بهدله والتهابات
معلش دلوقت عشان جوزى صحى …قيمو بس عشان الى فرحهم قرب يشوفوه ويستفيدو وانا رجعالكم تانى
بحبكم أووووووووى متنسوش تدعولى بالذريه الصالحه السليمه المعافاه
الجديد
#34
#154
#196
nesma1988 nesma1988 535726_1.gif فتكات رائعة Fatakat 535726 المحله الكبرى – مصر