السلااااااااااااام عليكم ورحمة الله وبركاته
دول ال620 صورة اللي فاتو متجمعين هنا في الموضوعين دول
جمعتلكم مواضيعي اللي خلصت 240 صورة هجووووووووووووووم
الجزء التاني من تجميع مواضيع جهازي 260صورة يارب افيدكم
خلصنا جهازي نخش على منتجات النظافة والميكب والبرفان ج 1
الجزء التاني من منتجات العناية الشخصيه بجهازي يلا يا حلوين اتفضلو كل واحده تنقي حاجه
الجزء التالت من منتجات العناية الشخصية ( المكياج)
دول الحريمي
ودول واحده حريمي وواحده رجالي
عارفين يا بنات كان عندي 12 سبراي 6 حريمي و6 رجالي
و18 ازازه حريمي و18 رجالي يعني كانو 48 ازازه
بس لما نفسيتي بقت زي الزفت بقيت اطلعهم هدايا وابيع منهم لحد ما وصلو ل25 ازاز بس
وبعت مكياج كتير اوي
متحاولوش مهما كانت نفسيتكم وحشه تتصرفو في حاجه جهازكم مهما كان الوضع
انا بعد ما بعتهم حزنت اوي وطلعت هدايا لناس متستاهلش
عايزه اقولكم حاجه كمان
اوعو يا بنات تثقفو في حد مهما ان كان ثقه عمياء
فيه ناس تعملو معاهم كتير اوي وتعاملوهم احسن من نفسهم وتحبوهم اكتر من نفسكم وتلاقوهم وقت الشده اختفوا
ايام ما كنت بشتغل كان ليا اصحاب كتير جدا الحمد لله انا كان وضعي المادي كويس جدا كان مرتبي الفين جنيه وحصل مشاكل وسبت الشغل وقعدت واتخانقت مع صاحب الشغل وعشان يديني ورقي اقسم بالله العظيم وكلام اتحاسب عليه يوم الدين دفعتله 10 الاف جنيه من شقايا يااما يدويني النيابه
حسبي الله ونعم الوكيل في كل ظالم
واول ما وقعت في المحنه دي كل اللي كانو عاملين صحابي دابو زي الملح وراحوووووو
والوشوش بانت
منهم اخواتي للاسف
واصحابي اللي كنت ببديهم على نفسي راحوا
مبقاليش غير فتكات
انا اسود يوم في حياتي كان 16/8/2016 انا عيد ميلادي 15/8 كان احلي يوم في حياتي وكان ربنا بيقولي افرحي عشان اللي هتشوفيه من بكرة لازم تقفيله ولحد وقتنا هذا الحمد لله علي كل شيء خسرت فلوسي وشغلي وخطيبي ومش عارفه ارجع حاجه فيهم مبقولش غير يارب
ميغركوش كللللل الجهاز اللي شفتوه دلوقتي الحمد لله انا محتكمش على ولا مليم معايا 8500 جنيه في البوسطه من اصل 23 الف جنيه كنت شيلاهم عشان اكمل جهازي ومن ساعه ما قعدت من رمضان اللي فات صرفت 2024 جنيه علي علاج واكلي ومصاريفي لان للاسف اهلي اتعودو اني اصرف علي نفسي
اقسم بالله اني بقالي 10 شهور قاعده ابويا اداني تقريبا 100 جنيه في خلال ال10 شهور دول
عارفين لما يكون نفسك تجيبي حاجه في نفسك ومش معاكي
ومش عايزه اسحب فلوس اكتر من كده عشان محدش هيساعدني لو اتجوزت
لانهم اتعودو ميصرفوش وميجيبوش
عارفين اختي الصغيره عندها 16 سنه
وانا عندي 25 سنه
بتجهزها من دولقتي واقسم بالله لعظيم اكتر من 75 في المية من جهازها متاخد من جهازي وساكته وحاطه في بقي 100 جزمه عشان اختي ومينفعش اتكلم
انا دوشت دماغكم معلش
ده اخر موضوع في جهزي خلاص
انا قلبت على نفسي المواجع وزهقتكم
ادعولي بالله عليكم
يكفيني انك انت ربي يكفيني انك انت ربي 593408_8.gif سوبر فتكات Fatakat 593408 اسكندرية – مصر