بصوا يا بنات انا استفدت من المدونة كتييييييير
ولازم افيدكم زي ما استفدت منكم
بس لو عايزة تقريه لازم تبقى فاضية
يعني اركني الموبايل على جنب كده وفوقي ليا هنا
وعلشان ربنا يكرمك وتتجوزي بسرعة بقه
عقبالكم كلكم اختى عروسة بقاله اربع شهور
عقبال ربنا ما يتمم ليكوا بالخير ويرزق جميع بنات المسلمين الزوج الصالح
اختى دي رقم 3 في البنات
عقبال رقم 4 يارب
في الأول احب اذكركم ان الهدف الأساسي تكوين بيت لاسرة مسلمة تنشأ جيل صالح يتقى الله ويعمل على اعلاء مصر
بلاش نقول نهضة مصر لتقولوا كفااااااااية
هههههههههههههههههه
حلوين البقوين دول طبعا
مش كده
طيب يبقى علشان نعمل كده لازم نجهز الأول ايه اللي نحتاجه
طبعا هنحتاج مصحف
و اسدال صلاة
وبابا ربنا يجازيه كل خير شكل لها مكتبة اسلامية مجموعة كتب سيرة وفقه و تفسير وحديث
واللي يعوز الكتب دي يلاقيهم في اسور الازبكية جنب مترو العتبة او في الحسين بتلاقيهم كتير هناك
وانا اشتريت لها منديل كتب الكتاب هدية
كان ب 25 من غير اسامي ومش فاكرة بالاسامي كان باربعين او 50 مش فاكرة قوي اصل انا واختي فضلنا نتخانق علشان مين اللي يدفع الفلوس
انا مصممة علشان اذلها بعد كده
وهي مصممة علشان مش اذلها بعد كده
وعلى العموم كان جايبه من محل في قصر النيل قبل جويا على الشمال لما تكوني داخلة من طلعت حرب
بس بجد مش فاكرة اسم المحل
بس الفاترينة اصلا تلاقي فيها بجيامات رجالي قطن نظيف
كده خلصنا من اول حلم ليكوا
انا بدأت مع اختى اخر اسبوع في شهر 3 اللي فات لما انخطبيت
اول حاجة الهدوم
نزلنا علطول اشترينا هدوم الخروج الشتوي والهدوم البيتي الشتوي لحقناها بالعافية
بس الحمد لله جبنا هدوم كتير وكويسة
هدوم الخروج والترنجات جبناها من وسط البلد مليانة محلات حلوةوفيها كل الأذواق
وعلى فكرة كان ممكن ننزل نشوف ترنجات في محلات الجملة في الموسكي بس الوقت مش كان مساعدنا
والجلاليب القطيفة هي كانت جايبة هدوم كتير من السعودية وهي بتعمل عمرة فكملت حاجات بسيطة من محل عندنا في الشرقية هو معرض لمصنع في كرداسة الميزة اللي فيه انه ممكن يعملك حاجات بالمقاس بتاعك لو مقاسك مش موجود
ومهم جدا انك تجيبي مقاس اكبر بشوية لان مهما قولتي جسمك هيغير بعد الجواز ومع الحمل والرضاعة هتتغيري اكيد
ونصيحتى ليكوا لو الهدوم بتاعتك طويلة وهتقصريها عند ترزي
مش تخليه يقص الزيادة
والبلوفرات الداخلية جبنها من ممر الكونتيننتال
لا
خليه يتنيها لجوة علشان لما وزنك بيزيد هتلاقي الهدوم بتقصر
فحرام الهدوم الغالية دي كلها تبوظ
وطبعا لاهدوم الصيفي زي الشتوي برضه بتشتريها من الأماكن اللي انتى بتعرفي تلاقي مقاسك وذوقك فيها
كمان الغيارات الداخلية اشتري لها علب نحطها فيها لما نيجي نرص الدولاب
علشان الحاجات دي مش للعرض
اشترينا علب هدايا من حارة اليهود
بيبقى طقم 3 عبوات
واحدة للاندرات
وواحدة للبراهات
والصغيرة خالص حطتيها في درج التسريحة للاكسسورات
والعلبة الكبيرة للقمصان الداخلية القطن
طبعا الشنط والجزم والطرح هتلاقي روكسي مليانة هي ووسط البلد
ثانيا المفروشات
هي كانت جايبة قبل كده مجموعة مع اختى الوسطانيه وهي بتجهز
ونزلنا انا وهي نكمل
وده لينك موضوع كنت عاملة لما نزلت الغورية وصور الحاجات اللي جبناها بالأسعار
انا نزلت الغورية تعالوا اقولوكوا على اللي حصل وبالصور
تااااااااااااااااااااااااابع
بنت النهاردة بنت النهاردة سوبر فتكات Fatakat 144540 الزقازيق – مصر