انا فرحانه اووووووووووووووووووى يا بنات الحمد لله جيبت نجفى من درب البرابره والحمد لله زى ما اتمنيت واحسن كمان عقبال كل البنات اللى بيجهزوا اسيبكوا بقى مع الصور
دى نجفة قوضة النوم سعرها 600 بعد 650
ودى نجفة الانتريه ب 900 من بعد 1200 وتعتبر اكبر نجفه فيهم
ودى صورة نجفة الركنه يا بنات ب950 بعد 1000
ودى صورة نجفته السفره وسعرها 850 هى شكلها قريب من نجفة الانتريه بس حجمها اصغر مربعه بردوا بس اصغر والكور الكريستال اللى نازل منها على شكل كوره مدوره انما اللى نازله من نجفة الانتريه تحسوها مطوله كدا يا بنات زى الطربوش او المثلث وحجمها اكبر وعلى فكره انا قوضة السفره والانتريه مفتوحين على بعض فعشان كدا حاولت اوفق فى الشكلين عشان يبقوا لايقين على بعض لان الفرق مبين القوضتين ارج كدا وسلمه يا رب يعجبوكوا وتقولولى رايكوا وعقبال كل البنات يااااااااااااا رب
اخر تلات نجفات فيهم تلات مستويات للاضاءه يا بنات اضاءه زرقه ليدات نور يعنى واضاءه خفيفه واضاءه عاليه والتلات برمود كنترول انما الاولى بتاعت النوم فهى فيها لمض عاديه بس عشان انا كنت محتاجاها اضائتها عاليه عشان قوضة النوم
المحل اللى جيبت منه ده كله حاجات سيلفر مودرن يا بنات للى تحب تجيب مودرن وانا لفيت درب البرابره كله الصراحه ملقيش زى المحل ده وبنات خلاتى جايبين منه بردوا الصراحه حاجاتاه متلقوش منها اتنين هناك وله سيلفر ومودرن بس هم محلين كدا جمب بعض فى اول الشارع من ناحية شارع الجيش كدا ومحطة المترو بتاعت العتبه مش من ناحية ميدان بورسعيد او شارع بورسعيد يعنى واهم حاجه يا بنات الفصاااااااال ثم الفصااال ثم الفصال فاصلى على قد ما تقدرى واى استسفار انا موجوده ويا رب يتمملى ويتمملكوا كلكوا على خير يا رب
yoyahyoh yoyahyoh 302064_4.gif سوبر فتكات Fatakat 302064 القاهره – مصر
سبحان الله و بحمده