السلام عليكم ورحمة الله وبركاتة يا احلى وارق عرايس فى الدنيا
يارب يتملكم جميعا بالف خير ويعطيكوا ماتتمنوة واكثر
انا انهاردة هحكلكوا عن مشوارى لسنتر شاهين اللى فى السيدة زينب ودة سنتر كبير اوىىى ومشهور ولية اعلانات على اليوتيوب وفى اتلفيزيون
المهم السنتر دة جنب مسجد السيدة زينب علطول هو بصراحة سنتر كبير اوووى ودورين وعندة كل حاجة مفروشات ملايات بجميع انواعها واشكالها ومفارش العروسة وبطاطين والفوط والبرانس وفى جزء كمان للمطبخ والصينى
دة شكل السنتر للى مش يعرفوا
الصورة دى انا جيباها من على النت وتقريبا لفرع الاسكندرية بس هو شبة اللى روحتة فى السيدة بظبط
هاكلمكم بقى على الحاجات اللى جبتها من هناك
جبت بطانية 8 كيلو ب 440 ج وجميلة ماشاء الله والرسومات اللى عليها محفورة تحفة الصراحة
وفى هناك جميع انواع البطاطين من اول 200ج او اقل لحد اللى انا اشترتها دى
نيجى بقى للمفرش بتاع العروسة عندهم كذا نوع ابتداء من 300ج او اقل كمان بس افضل نوع عندهم اسمة مفرش حريم السلطان دة اللى انا جبتة وفى منة 4 الوان تقريبا ابيض وفضى وموف واحمر
وسعرة 656 ج واكتر نوع عجبنى الاحمر وحسيتة جديد ومختلف
نيجى بقى للملايات دى فى منها انوااااع بالهبل والغالى والرخيص والمصرى والخليجى والتركى اطقم الملايات بتبدا من 93ج لحدددد 300ودة التركى وانا طبعا مجبتوش
بس فى حاجات كتير حلوة اسعارها فوق المية
اللحاف الفيبر بقى فى منة النوع الغالى ب 310ج وشكلة رائع والونة جميلة والنوع الرخيص ب 185ج ودة العادى اللى مش مطرز وبرضو جميل وتقيل
وملايات الاطفال برضو جميلة اوووى عندهم الطقميين مع بعض فى كيس واحد ب 136ج ورسومات اطفال جميلة
جبت من عندهم كمان قطاعة الخضار نايس ديسر الاصلية عليها عرض بدل 120ج بقت ب 80ج وجميلة بصراحة
الفوط هناك بصراحة مش عجبتنى خالص وحستها غالية اوووى على الفاضى وشفت برة احلى منها بكتير فمجبتش
ملاحظاتى بقلا على المكان انة فى هرجلة وعدم نظام وسيبينك تدورى وتقلبى مع نفسك والدنيا زحمة بس بصراحة اما حد من اللى شغالين بيجيلك بيوريكى كل اللى انتى عوزاة وبيتعب معاكى اوى لحد متلاقى اللى يعجبك
فى حاجة كمان وحشة اوووى عندهم انهم بيعاملوا البنات اللى شغالة معاهم معاملة سيئة جداا وتقريبا بيهزأوهم على طول بطريقة مستفزة ضايقتنى جدا الصراحة
المهم هو مكان كويس ولو رحتى اعملى حسابك انك هتلفى فية مش اقل من 3 ساعات
ويارب الموضوع يكون عجبكم وادعولى ربنا ييسر زواجى من خطيبى عاجلا غير اجلا ويفرح جميع بنات المسلمين
بغض النظر بغض النظر 769247_1.gif فتكات رائعة Fatakat 769247 الجيزة – مصر