بصو يامزز اولا انا أما جيت اختار الكوافير وبما انى مش من القاهره بس فرحى وشقتى فى فيصل قولت ايه بقى ادخل اشوف الكوافيرات الحلوه فين وايه ظروفها المهم دخلت طبعا فتكات ولاقيت كلام زى الفل على كوافير عادل المصرى وفى ناس برده اشتكت من معاملتهم وانهم بيتعاملو باسلوب مش حلو مع العرايس والجو دا
المهم قولت ايه بقى المهم شغلهم هو انا هناسبهم
وحوار انهم بيرفعو الحواجب برده كان مقلقنى
المهم قولت انا وحظى ونيتى اصل زى ماانتو عارفين الحااجات دى بتبقى بالنيه كدا
————————-
فرحى كان يوم 89
ويوميها كنا 18 عروسه محجبه هتطلع من الكوافير دا
* اول ماروحت اللى اتعمل كالأتى واحده كدا بتعملك وشك وحواجبك بالموس بت عماله تحب فى التليفون بس قولت وربنا لو حصلى حاجه فى وشى هولع فى امها
المهم الحمدلله عدت على خير
* وبعدين الباديكير والمانيكير ودا بصراحه البت كانت كويسه وذوق وشغلها حلو
* سيشوار للشعر
* دخلت لبست الفستان وكله تمام وكان فى بنت هناك بتقول انا اللى بلبس العرايس شكلها كدا بتعمل سبوبه تديها حاجه يعنى بس بصراحه انا قولتلها طيب اخرجى لحد ماالبس الحاجات اللى جوا انا هقلع خالص ودى تقول ماانا هلبسك مكانتش عاوزه تخرج
المهم قدرت عليها وخرجت واختى كانت معايا وظبطنا التظابيط وكله تمام
* بعدين دخلت اوضه كدا دى بقى للعرايس بس وجوا اترصينا جمب بعضينا تخيلو بقى 18 عروسه والاوضه يدوبك
* نيجى للمهم بقى الشغل
– اولا مش واحده بس اللى بتعملك الميك اب دول تلاته بتعدى بتلت مراحل يعنى وبصراحه انا يوميها حسيت انى اخدت حقى وبيشتغلو بهدوء تحسى انها بترسم وبتعمل الشغل كويس اوى وكل عروسه ليها الألوان اللى تمشى مع وشها وانا بقيت اتفرج عالعرايس اللى قبلى تصدقو مافى واحده طلعت وحشه كلهم قمرات والله
_ البت الاولانيه اللى بتعمل ميكب ليكى تقدرو تقولو كدا بتحط الاساسات بقى دى بت رزله كنت عاوزه اديها فى وشها تحسى انها ابله فى المدرسه وبتزعق لشويه عيال المهم انا سكت خالص وقولت يللا ان كان ليك عند حد حاجه قوله يا سيدى لحد مامصلحتى تخلص
– تانى واحده بتكمل الميك اب هى مدام ليلى المصرى ودى بصراحه ست ذوووووووووووووووق ذوووووووووووووووووووق فوق ماتتخيلو وتشوفك انتى عاوزه ايه ومتفاهمه جدا جدا
– التالته بتفنش بقى
_ اخر خطوه الطرحه فى اتنين بيلفو طرح وبرده 18 عروسه مفيش لفه طرحه زى التانيه والطرح اشكال عندهم هى من عندهم اصلا واكسسوارات للطرح بصراحه انا كنت متسليه اوى وانا قاعده بتفرج عليهم
الاتنين بقى واحده منهم اسمها شيماء والتانيه ام شادى انا اللى لفتلى طرحتى ام شادى ومعاها بنوته اسمها دعاء
والله عملولى احلى شغل
—————————————–
ولما خلصت كان جوزى جه ومدام ليلى المصرى بتشوف نظره اخيره عشان لو فى حاجه عاوزه تتظبط بصت فى وشى وقالتلى قمر كنت بجد موزه الحمدلله
والبت الرخمه اللى كنت بقولكو عليها بصتلى كدا وقالت هى اصلا اموره بصراحه روحت بصالها بطرف عنيا كدا بقرف يعنى عشان مكونتش طايقاها
وقولت لمدام ليلى تسلم ايدك
—————————————————————-
المهم بقى العيوب ( الحواجب بتبقى فعلا رفيعه ) بس اهو فضلت اتعامل معاها بقلم مصحح لحد ماطلعو تانى
* البت الرخمه اللى عملالى فيها ابله على شويه تلاميذ وكمان دايقتنى لانى كنت شايفه بتتعامل مع باقى العرايس ازاى كان ناقص تضرب بالعصايه
التأخير مكانش اوى وبرده كل اما التزمتى بميعادك فى المرواح الصبح هما كمان يلتزمو بميعاد خروجك
—————————————————————-
المميزات
* معاملتهم كويسه وخصوصا مدام ليلى المصرى
* شغلهم فوق الممتاز
* بيظبطو كل حاجه فى العروسه يعنى لو الفستان مش مظبوط او البادى مش ماشى معاه بيخلوها تقلعو وبيجيبولها واحد تانى وكمان اكسسوارات للبادى من عندهم
* الطرح عندهم تحفه وفعلا فيها فن وذوق
* اسعارهم كويسه انا دفعت 1100 ودا كان عشان مختاره مدام ليلى المصرى ولو تحت اشرافها أقل
————————————————————————
من الأخر كدا الكوافير لووووز العنب روحى كدا وانتى مغمضه واتأكدى انك ان شاء الله هتبقى حلوه فى فرحك
——————————-
والله كل اللى شافنى قال الميك اب تحفه وانى قمر فى فرحى
وعيال اصحابى محضروش الفرح بس شافو الصور قالو شكل الممثلات من كتر ان الشغل حلو
——————————
يللا كدا تعبت انا من كتر الرغى دا ربنا يفرح كل بنت تعيش اليوم دا ويكون احلى ايام حياتها
——————————–
اللى يوصل بقى لاخر الموضوع يقيم بقى خليكو حلوين
فيروز24 فيروز24 912221_5.gif فتكات هايلة Fatakat 912221 الجيزه – مصر
سبحان الله و بحمده