ازيكم يافتوكات
انا بحبكم جدددددددددددددا انتم ديما بتفدوني كتييييييييييييييييير
وعلى طول راشقه في القسم عشان خلاص فرحي في شهر 4
انا ككنت عايزه اسأل عن تخفيضات الاجهزة الكهربائية ؟؟؟؟
يعني الاسعار بتنزل امتى انا سمعت انها في شهر 12 عشان هشتري كل حاجه
ياجماعه انا نزلت سألت عن الاسعار وجمعت الحاجه الي نقصاني لقتني هجيب حاجات ب21 الف جنيه
وانا اصلا كنت شاريه حاجات من السعودية ب7 الاف
كنت اشتريت كتشن ماشين كنود 50 وظيفه ب1700 ريال وموجود هنا في مصر ب4وشوية
واشتريت ميكرويف 40 لتر سامسونج بشواية وفرن (نازل جديد ) ب700 ريال
مكوى بخار من الي بايد دي فظيييييييييعه امجوي ب400 ريال
قلايه فليبس من غير زيت ب900 ريال
وبراون سلكابيل ب500 ريال
بابي ليس 500 ريال
وكان بويلر جاي هدية فلبس على القلايه
ولسه بابا هيجبلي معاه وهو جاي مكنسة كهربائية هوفر من الي بتغسل وتكنس دراي وويت بتغسل السجاجيد والستاير والفرش ب1200 ريال
بصراحه حاسه ان كده زادت اوي انا كنت فاكره الاجهزة كلها مش هتكلفني غير 20 بس
الي هيقولي ليه 21 الف هقلكم ليه
انا هجيب بوتجاز وفرن بلت ان
تلاجه 27 قدم وايت ويل
تلفزيونين واحد لاوضة النوم والتاني للرسبشن
وحاجات تانيه كتير المهم يعني انها جمعتلها 21 الف
بلييييييييييييييييييييييييييييييييز ساعدوني وقولولي امتى اسعار الاجهزة بتنزل في مصر عشان اكمل باقي اجهزتي
وان شاء الله لما اشتري الاجهزة الباقيه هصور كللللللللله وهنزلهملكم بالاسعار
miro magdy miro magdy 623310_1.gif فتكات نشيطة Fatakat 623310 cairo – مصر
سبحان الله و بحمده