ازيكوا يا فتوكات يا قمرات
انا حلمت حلم غريب شوية وعايزة اعرف معناه ضرورى اللى تعرف ترد عليا ياريت
بصوا انا حلمت انى سايقة عربية بيضا وكانت حلوة مع انى مش بعرف اسوق فى الحقيقة بس كنت فرحانة اوى بالعربية
لكن فى الحلم كنت بسوق من غير ما حد يعلمنى وكنت مستغربة ازاى بسوق كده
وماما كانت معايا فى العربية وكانت كل شوية تنزل تشترى حاجة وانا استناها فى العربية ولما كانت تنزل كان بيجى راجل شكله عادى كده بس مريب شوية ويقفلى عند باب العربية وهو مفتوح عشان مستنية ماما
وانا اخاف اوى من شكله ومقدرش اتكلم ولا حتى اقفل باب العربية ويفضل يبصلى اوى بطريقة مخيفة ومش بيتكلم خالص ومش عارفة عايز منى ايه
وبعدين اول ما ماما تقرب تيجى يختفى والاقى الباب يتقفل لوحده وارجع طبيعية عادى واسوق تانى ونمشى والطريق عادى جدا فى شارع قريب من البيت
ملحوظة انا والدتى مش عايشة معايا طول الوقت فى بلد تانية وانا باجيلها فى الاجازة ولما حلمت الحلم ده كنت فى الوقت اللى معاها فيه
وعلى فكرة انا سمعت فى برنامج تفسير الاحلام ان العربية فى الحلم معناها نجاة
ياريت بجد تردوا عليا ضرورى
شكرا ليكوا
LoLa LoLa 39860_6.gif سوبر فتكات Fatakat 39860 فى اوضتى على اللاب بتاعى – مصـــــــــــــر – الكويت