بسم الله الرحمن الرحيم اولا هقولكم علي تجاربي مع فرد شعري بكل امانه اللي شاغلني دايما وعايزاه يكون في احسن صوره ولاني شعري مش مفرود طبيعي لازم بلفه وجاف لازم ارطبه بس فتلته مش وحشه لو سبته كيرلي اول يوم هيبقي فل تاني يوم هينشف وهيبقي زي شعر المصريات العادي فلااازم نلف ونهتم والحمد لله ..المهم انا مره عملت من 3 سنين كدا فرد شبيه بالفرد مثلا سوفت اند بيوتيفل واوليف اويل كان اسمه اورجانك روت ستيميولاتور بزيت الزيتون كان اخويا جايبهولي من امريكا لما قلتله عايزهحاجه حلوه للشعر فجابهولي مكنتش الحاجات دي اتشهرت قعدت اسال عليه سنه وكنت خايفه المهم قسمت شعري شبه مبيقولو بس انا كنت حاطه علي شعري كلو زيت زيتون وانا بعمله واختي حطته ومكنتش مسشوراه ووزعته وبعدت عن الجزور عشان كنت مرعوبه عليه اول مخلصت استنين شويه صغيرين وجريت غسلته فالمهم لفيته وكدا كان حلو طبيعي بس الفرد مكنش جامد اوي عشان انا اصلا لاسرحته ولا سشورته قبل معمله بس كان طبيعي وكنت بحط كريم وكدا يبقي جمييل .
بس مكنش عندي ثقافه الاهتمام فكنت في الكليه وحجاب علي طول وبلفه وهوا مبلول فبيتكتم ومع ذلك محصليش تساقط وهقولكوا ليييه محصلش في اللي استفده من الفرد .. معلش انا بطول في الكلام بس انا قلت هنقلكم كل اللي جربته بالتفصييييييييل .
المهم بطلت افرد فتره وكنت سايباه بعدها بتلت سنين جه معاد فرحي وكنت بفكر اعمله كدا تاني وبعديتن كنت عايزه حاجه ملفش شعري بعدها ومش مهم ادفع شويه مدام فرحي بقي فقعدت اسال علي الكيراتييين وبحثت عالنت وشفت التجارب وفي الاخر قررت اعمل كيور اللي باتنين في الميه فورمالين لان كيور اللي فهمته انه من افضل الانواع هوا غالي اه بس شركه محترمه انا مش بعلن عن حاجه ولا اعرف حد انا بحكي اللي حصللي وبس رحت للكوافيره قالتيليتمام قلتلها انا هشتريه من بره واشتريته فعلا بس كان علبه كبيره بقي وكان مكلف بسالكوافيره كانت كويسه وعملتهولي وجبت اللي بالفورمالين نسبه مصرح بيها عشان شعري ايييه محتاج يتفرد مش مجرد يتعالج وبسسسس
المهم عملته وكان جميل فعلا وغسلته بعد اربع ايام وقلت لجوزي انا بس عملت علاج لشعري عشان بحب الامانه وطبعا شامبو وبلسم وسيرم بالكيراتيين وغاللين وكنت محوشه واشتريتهم كل دا عشان خاطر شعري بس كان بنتيجه بصراحه شويه شعر في الاول اتساقطو بس مش كتير بس مهي دي ضريبه اي فرد وشعري بعد 8 شهور اهوه معقول بس بهتم بيه شامبو وبلسم وبلفه لان الفرد راح معظمه بس لسه فيه ريحه الفرد بردو ..
اللي فهمته عن الفرد وعن مواضيع كتير قريتها في فتكات وعايزه افيدكو بجدد
اولا : مينفعش تعملي فرد علي فرد لا كنت قريت من واحده جزاها الله خيرا ان الفرد بينفخ الشعر وبيفرده مره فحرام تعملي عليه تاني يعني اي نوووع فرد بيعجبكو في الاول عشا الشعرايه اول مره تتفرد بعد كدا لو عملتو عليه حاجه تانيه لازم هتتكسر يابنااات وتبووظ ودا بيمشي بردو علي اللي بتصبغ شعرها لو الشعرايه مش مستحمله هتشقري وبعدين فرد وعايزاه ميبظش حرام عليكي ملازم يبوظ انا بشوف الاجانب السمر في فيديوهاتهم قليل اوي لو لقيتهم بيفردو وبيصبغوا انما شعرهم علي لونه دايما فاختاري ياما كدا ياما كدا ياماا يكون شعرك بيستحمل الكلام دا او تستني فتره مبينهم
ثانيا : بالنسبه للفرد العادي زي سوفت ولاكلام دا لازم تجيبي نوع مناسب لشعرك وعلي شعرايه متعملش فيها فرد قبل كدا والجديد اللي عرفته واهمممممممممممم نقطه ان زي مبنحمي اورتنا ونحط عليها فازلين بنحمي فروه راسنا بردو انا شفت الاجانب في الفيديوهات بتاعتهم بيحطو زيت زيتون او تونيك او كدا علي فروه راسهم بسسسس قبل الفرد عشان لو الفرد جه عليه ميبوظوش والغريب اني مسمعتش النقطه دي عند اي حد اتكلم عالفرد فمهمه جداا ونبعد عن بقيت الشعر اهم حاجه الفروه ولو هنعمل جزوور نحط بلسم او كريم علي الشعر اللي اتفرد قبل كدا عشان نحميه من الفرد الجديد ودا فيديو بيبين الكلام دااا [youtube][/YOUTUBEhttps://www.youtube.com/watch?v=GPkSNjf8aBI]
ثالثا : اللي فهمته ان فرد الكيراتين او البروتين او كدا بيزود طبقه عالشعر فده مش بياكل من الشعرايه زي الفرد التاني بس انا شخصيا حسيت ان شعرتي بردو رفعت اما عملت الكيراتين هوا فعلا اقل ضررا وبيريح بس لازم منتجاته وتحافظي عليه والفرد زي سوفت او اللي انا عملته بياكل من الششعرايه وبيفردها فبيحتاج اهتمام قبل وبعد عشان الشعرايه متتكسرش وتقصي اطرافه اول باول زي مكل البناات قالو في مواضيعهم جزاهم الله خيرا
رابعا : اللي شعرها مش محتاج فرد بلاش واللي محتاج تحافظ عليييه ومش كل شويه فردفتره وفتره ولفيه وجوزك برا البيت واعمل حمامات كريم واما تحبي تفردي تبعدي عن الفرروه ارجوووكي واعملي بالطريقه السليمه
خامسا : يفضل اي واحده متلفش شعرها غير لما ينشف عشان بيكمكم وبتطلع قشره فبيحصل تساقط ان شاله لو عندها سشوار تعمله من بعيد وتنشفه بس مش تستشورو وتلفه براحتها وتتغذو كويس اهم حاجه بردووووو ونسبه الحديد في جسمكو والخضار والفكهه هتطول وتغذي الشعر والبشره كمااان
خلاص يابناااات يارب تستفادو من الموضووووع ومتنسوش التقييم زي مكلكو بتقولو ودعواتكو انا بعمل اموضوع دا عشان انا استفدت منكو كتير ودا اول موضوع اكتبه
ام ساره 3 ام ساره 3 803811_3.gif فتكات نشيطة Fatakat 803811 الدمام – السعوديه