السلام عليكم ورحمة الله وبركاته
بصوا انا دخلت على مواضيع كباب الحلة ولقيت ا نى باعملها ب 3 تكات بتفرق فى الطعم
1- انى باضيف مع البصل فصين ثوم على نصف كيلو لحمة مش اكثر بس بتفرق فى الطعم جدااااااا مرة نسيت احط الثوم
ولما ذوقتها حسيت بالفرق
2_ لما باضيف الزيت والبصل والثوم و الفلفل و احط عليهم اللحمة واسيب اللحمة لغاية ما تفقد دمها وتشرب السوائل
اللى خرجت منها ومن البصل والثوم وبعدها ابدأ اضيف الميه والطعم بيفرق جداااااااا لان اللحمة بتبقى احتفظت بكل
عصارتها جواها وماخرجتش فى الميه
3- لما ابدأ اضيف الميه بحيث تغطى اللحمة بحاجة بسيطة و بصبر كل شوية افتح عليها وازود
لكن لو حطيت ميه كثير بزيادة هتديكى طعم اللحمة المسلوقة
4- كل لما تسويها على نار هادية كل مل طعمها يبقى احلى ممكن متوسطة بس اوحش حاجة لما تكون النار عاليه لان البصل والثوم هيتحرقوا بسرعة قبل اللحمة وطعمها مش هيبقى مظبوط
يارب اكون افدتكم واستودعكم الله
كانوا 3 تكات ونسيت ال4 لما زودتها وغيرت العنوان متغيرش ولسه زى ما هو 3 تكات مش 4
امى حبيبتى من علمتنى الطبخ
اللهم اغفر لامى وارحمها واسكنها الفردوس الاعلى مواضيع هذا القسم برعاية
simosemsem simosemsem 746261_4.gif فتكات رائعة Fatakat 746261 القاهرة – مصر