السلام عليكم ورحمة الله وبركاته
ازيكم يا حلوين
بصو بقي انا جايبالكم 3 طرق لسد الشهية عن تجربة بجد
اصل انا مشكلتي في حياتي ان نفسي مفتوحة علي الاكل علطول مابتتقفلش ابدا تقدرو تقولو مابشبعش اصلا
المهم هبطل رغي وندخل في المفيد
اولا :الينسون واقراص الردة
لما تكوني عاملة ريجيم وقاعدة بطنك بتوجعك من الجوع وبتفكري تقومي علي التلاجة المسكينة فعليكي وعلي كوباية اليينسون الجميلة وتضربي معاها قصدي تاخدي معاها 3 اقراص ردة طبعا اليبنسون من غير سكر او ممكن قرص سكر ريجيم ..
ثانيا: كوباية قهوة باللبن
عارفة طبعا القهوة بتتعمل ازاي .. بدل المية حطي لبن وياريت يكون خالي الدسم واعملي القهوة عادي كأنك بتعمليها بالمية واشربيها بالهنا والشفا هتحسي انك اتقفلتي ومش قادرة تفكري في الاكل
ثالثا : اللوز
ايوا هو بعينه اللوز بس اوعي تاكلي نص كيلو ولا حاجة لا يا أمي هما 4 او 5 لوزات بس في اليوم كله وقت برضو ماتحسي بالجوع كليهم بالهنا والشفا هيقفلو معاكي جدا برضو كذا دكتور تغذية جه في التلفزيون كان بيقول ان اللوز لو اكلت منه هتحسي بالشبع جدا وكمان هو مفيهوش دهون زي باقي المكسرات يعني يعتبر اقلها من ناحية الدهون
يارب اكون قدرت افيدكم وعلي فكرة الحاجات دي عن تجربة والله مش مجرد كلام سمعته وبقولو لا بجد جربيهم ومش هتندمي
وياريت تدعولي اني اخس وابقي 60 كيلو يارب
في رعاية الله
kokycool kokycool فتكات رائعة Fatakat 32886 كايرو – مصر