سلاما على نفوس عشقت الخير
السلام عليكم ورحمة الله وبركاته
يا اجمل وارق واطيب قلوب
يا ملكات التحدي
اهلا وسهلا ومرحبا بيكم
في واجبنا الجديد
واجبنا المرة دي بطعم الفرحة
فرحة انتظار اغلى ضيف – شهر رمضان الكريم – اللهم بلغنا رمضان ونحن في خير حال
واجعلنا فيه من الفائزين
وفرحة كمان بأخوتنا في الله وصحبتنا الصالحة
الواجب المرة دي هيختلف شوية عشان يناسب التحدي الجديد
هيتقسم لمجموعتين
المجموعة الاولى
هي اسئلة كلنا نلتزم بيها في الجروب
ودي هتكون بدرجات
والتركيز هيزيد شوية على الجانب الديني
لان ده هدف التحدي الاول في الفترة دي
في بس ملاحظة صغيرة قبل ما نبتدي وهو
شبهة الرياء ….
ومعناه ببساطة ( اعمل العمل واحسنه وازينه لاري الناس وانال استحسانهم او مدحهم )
وطبعا ده بيحبط العمل وللاسف يكون الحسنات عليه صفر يعني كل التعب والمجهود راح في الارض
وعلاجه سهل … اني اجاهد نفسي واخلص عملي لربي
و اني يكون لي دايما سر في كل عبادة لا يعلمها الا الله
وان ما اركزش ابدا مع كلمة المدح او الذم …
خليها لله – خليها لله – خليها لله
المجموعة التانية من الاسئلة
هتكون خاصة بالمجموعات
كل مجموعة هتلتزم بتحدي الخطة الاسبوعية
وعندنا تارجت – هدف اساسي
المجموعة ال هتحقق التارجت هتكون هي المجموعة الفايزة باذن الله
اولا اسئلة الدرجات لكل الجروب
1- الحفاظ على الصلوات الخمسة في اوقاتها ( كل صلاة في وقتها تاخدي عليها درجتين وفي غير الوقت تاخدي درجة واحدة ) ومجموع الدرجات من 10
الدرجة
……………….
2- صلاة السنن الرواتب 12 ركعة ( كل صلاة تصلي معاها سنة راتبة تاخدي عليها درجتين وبما ان مافيش سنة للعصر هنخلص سنة الظهر ب 4 درجات وبكدة يكون المجموع من 10)
الدرجة
………………
3- قراءة قرآن ( الحد الادنى تقري 5 صفحات في اليوم ) وعلى كل صفحة درجتين يكون المجموع من 10
الدرجة
…………………
4- حفظ قرآن ( الحد الادني 2 اية وكل اية تحفظيها تاخدي عليها 5 وبكدة المجموع 10
الدرجة
……………….
5- صلة الرحم ( الاتصال – زيارة – الدعاء ) ل اتنين من الارحام وخاصة ال مش بيتصلوا بينا – والدرجة 10
الدرجة
………………..
6- الاذكار ( اذكار الصباح والمساء ودي 5 درجات ) ( الاستغفار والصلاة علي النبي والباقيات الصالحات 100 من كل ذكر – الدرجة 5) يكون مجموعة الاذكار من 10
الدرجة
………………..
7- قيام الليل ( اقلها ركعتين + شفع ووتر — يكون المجموع 5 ركعات على كل واحدة درجتين ) يكون المجموع من 10
الدرجة
……………..
8- عمل صالح متنوع ( سر بينك وبين ربنا مهما كان صغير او كبير – صدقة – مساعدة مسلم – زيارة مريض ) ودرجتها من 10
الدرجة
……………….
9- الاستعداد لرمضان ( سماع محاضرة دينية – تعلم شئ جديد من فقه الصيام – ….) ودرجتها من 10
الدرجة
………………….
10- الدعوة في سبيل الله ( اخدتي بايد اخت في الله .. نقلتي معلومة عن رمضان .. شجعتي اخت ليكي على الطاعة ) والدرجة من 10
الدرجة
…………………
11- للمتزوجة والبنوتة الشطورة مطبخك وحمامك النهاردة زي الفللللللل ( المطبخ 5 درجات والحمام 5)
للبنوتة الدلوعة غرفتك النهاردة زي الفل ( الدرجة من 10)
الدرجة
……………..
12 – للمتزوجة ( ادخلتي السرور على جوزو 5 درجات —- ام ايجابية …….. 5 درجات )
للبنوتة ( ادخلتي السرور على اسرتك ..10 درجات
الدرجة
………………
13- انسانة ايجابية ( فكرتي بشكل ايجابي – واجهتي مشكلة بايجابية – فكرتي بسياسة اين الحل ) الدرجة من 10
الدرجة
………………….
14- الرشاقة والجمال ( حافظتي على الدايت او الاكل الصحي سلاطة مثلا 5 درجات — وعملتي ماسك لبشرتك او شعرك 5) الدرجة من 10
الدرجة
……………
15- كنتي ايجابية في مجموعتك وساعدتي على نجاح المجموعة -5 درجات — عمل ايجابي تجاه الجروب او مواضيع رمضان 5 درجات )
الدرجة
…………………
مجمـــــــــــــــــــــوع -150- درجـــــــــــــــــــــــــــــــاتي
…………………………..
الواجب لمدة 6 ايام فقط في الاسبوع وعندنا يوم اجازة
كل واحدة تختاره زي ما تحب
تحدي المجموعات
المجموعة الفائزة بالتحدي لهذا الاسبوع هي ال
التزمت كل ملكة في المجموعة لمدة 6 ايام في الاسبوع بــــــــ
1- بقراءة جزء من القرآن على الاقل يوميا
2- صلاة الضحى و قيام الليل على الاقل ركعتين يوميا
3- يوميا تنظيف معموقة في البيت – او لمسة تجديد او لمسة تزيين
او تنفيذ اي فكرة من الافكار الرمضانية
4- رياضة يوميا على الاقل ربع ساعة
5- حفظ قرآن يوميا ولو ايتين بس
6- صيام الاتنين والخميس ( لمن ليس لديهم ما يمنع )
7- يوميا اهتمام بالجمال ( ماسك او عمل تمرين استرخاء او تمرين ايحاء ايجابي او او او )
كل قمراية هتستخدم الايموشن ده لما تحقق التحدي
والايموشن ده في حالة عدم الانجاز
وده لسهولة التصحيح من مشرفات المجموعات
وجزاكم الله كل خير
وفي ميزان حسناتكم جميعا
جنة التفاؤل جنة التفاؤل فتكات ست الكل Fatakat 282289 في صحبة الاحبة – يارب في -الجنة-