السلام عليكم ورحمته وبركاته
انا عندى 30 سنه و بقالى سنه بعمل دايت بخس اتنين كيلو و برجعهم تانى بس كده
عملت من كام يوم تحليل للغده الدرقيه الدكتور قالى النسبه معقوله متوسطه و قالى دى نتيجه كويسه بس انا نسيت انى كنت واخده دوا اسمه ليبو 6 قبل التحليل و دا اصلا بيعلى الحرق يعنى ممكن تكون النسبه دى مش مظبوطه فى الحقيقه من غير الدوا
لما سألت الدكتور طب انا تعبت من كتر الرجيم و مبخسش قالى انها ممكن تكون هرمونات متلخبطه
انا كنت باخد حبوب منع الحمل يا دوب بطلتها الشهر دا بس قلت يمكن اساعد ان وزنى ينزل شويه لأنى بطلتها قبل كده شهر نزلت في اول اسبوع 5 كيلو و لما رجعت اخدها تانى تخنتهم فى اول اسبوع برضه
دلوقتى انا حاسه انى بنفش اه و الله زى ما اكون بتنفخ من كل حته و كل جسمى
فكرت اخد حاجه تزود نشاط الغده الدرقيه و تخلي وزنى ينزل
انا كمان بعانى من ارق فظيع و شعرى بينهار مره واحدة و دى اول مره تحصلي
لو ينفع اخد دوا ينشط الغدة الدرقيه و ميضرنيش فى شيء تانى يا ريت تقولولى
ياريت كمان حد يقولى على اسم دوا لأنى بدور عالنت و موصلتش لحاجه
و على فكره انا مشكلتى كمان انى عايشه فى السعوديه و تقريبا مبنزلش اجازات خالص و بخرج مره فى الاسبوع اشترى طلبات و خلاص على كده
ربنا يجازيكم خير حد يرد عليا
ملحوظه
انا عندى نقص فى الحديد بس مش انيميا
و نقص في فيتامين د
والدكتور كتبلي على فيتامين ب بأنواعه
وكتبلي على فوليك اسيد كمان
sara 888 sara 888 242899_5.gif فتكات ست الكل Fatakat 242899 القاهرة الدور التانى – مصر