ازيكم يا بنات انا كنت جيت استشيركم من فتره عن المحشى وده كان موضوعى https://fatakat.univanet.com/#5520680 دلوقتى يا بنات انا عملت المحشى وطلع حلو اوى احلى من اللى بشتريه من المطعم بس الغلطه الوحيده انى استخدمت شوربه كتير والكوسه كانت مستويه اوى اوى بس الطعم كان حكايه, على الاقل دلوقت انا اعرف ان مينفعش اغطى المحشى بالشوريه ههههه زى ما عملت لكن بس تلات اربع الحله وكده يمكن يكون كفايه للتسويه من غير المحشى ما يتهرى… المهم… عندى سؤال وياريت تنفعونى
بصوا انا مش اد كده فى المقادير واكتشفت ان الخلطه اللى عملتها (رز وخضره والتسبيكه الخ ) اكتر من الكوسه والفلفل والبتنجان اللى عندى واتبقى كتير فأنا استخسرت ارميه وقلت حرام وروجت حطاهم فى علبه بلاستك وعلى الفريزر على طول
النهارده طلعت العلبه تفك وقلت اعمل حله محشى صغيره بس مش عارفه ليه مش مطمنه عشان لون الخضره بقى غامق فأنا مش عارفه اذا كان ينفع استخدم الخلطه دى ولا لأ
ايه رأيكم ؟ فى حد فيكم جمد بواقى المحشى فى الفريزر ؟ مواضيع هذا القسم برعاية
emma ruby emma ruby فتكات نشيطة Fatakat 213098 Pafos – Cyprus