السلام عليكم ورحمة الله وبركاته
كل سنة وأحلى بنات في أحلى مدونة طيبين وبخير
ندخل في الموضوع
انا شويت فرخة على الازازة
اه والله زيمبؤلكم كده ههههههههه
انا قولت اجدد في رمضان واشويها بطريقة مختلفة وفعلا طلعت تحفه ما شاء الله
انا تبلتها بعد السحور من الفجر يعنى
وادى صورتها في التتبيله
التتبيله كانت عبارة عن 5 فصوص توم وبصله وفلفل أخضر ولمون وفلفل أسود
وغسلتها كويس ودهنتها من برة وجوة لمون وملح وحطيت التتبيله وسبتها 12 ساعة
وادى الازازة اللى حطيتها فيها ازازة خل ولازم تكون زجاج مش بلاستيك
حطيت الفرخة في الازازة وحطيتها في صينيه وقطعت بطاطس وبصل وطماطم وحطيت عليها شويه ميه
وحطيتها في الفرن
ووادى شكلها بعد ما استوت اخدت ساعة ونص
وده شكلها بعد ما طلعتها من الازازة بس ملحقتش ازوقها بقى كان المغرب خلاص
نسيت اقولكم لازم تملوا نص الازازة ميه وحطى فيها أى بهارات عندك هيل أو زعتر أو أى حاجه
ويارب تكون عجبتكم مواضيع هذا القسم برعاية
تحلم بالسعادة تحلم بالسعادة 577825_3.gif سوبر فتكات Fatakat 577825 ف قلب جوزى حبيبى – السعوديه
سبحان الله و بحمده