انا بحب الفطير اوي المشلتت وكنت عشان اكله لازم اشتريه من بره
بس جيت مره وقلت طب اجرب اعمله يعني هيحصل ايه ماهو في الاخر فطير
وهيتاكل هيتاكل
المهم
المقادير
1- كيلو دقيق
2- 550 جم ميه فاتره من الحنفيه
3- 50 جم زيت
4- نص كيلو سمنه بلدي ع سمنه نباتي
5- ذره ملح
حطي الميه وعليها الملح والزيت وقلبيهم كويس
بعد كده حطي الدقيق عليهم
واعجنيهم كويس
وقطعيهم ع ثلاث اجزاء او اربعه
وبعد كده سيبي العجينه تستريح حوالي ساعه او اكتر
عشان تكون سهله في الفرد معاكي
ومتتقطعش حطي شويه دقيق ع الرخامه وافردي العجينه باي عصايه او لو عندك نشابه يبقى كويس
وبعد ماتتفر معاكي كويس
حطي السمنه وافرديها وتكون السمنه سايحه وطبقي العجينه من النص
وحطي سمنه وطبقيها تاني وحطي سمنه وطبقيها تاني لحد ماتكون شبه الاسطوانه وكل مره تحطي سمنه
وبعد كده تلفيها وتحطيها في الصينيه وتسبيها تستريح
وتكملي باقي الكميه وبعدين تبدائي باول واحده خلصتيها وتفرديها في الصينيه حطي ع الوش قشطه وسمنه بلدي تكون جامده مش سايحه
ودخليها الفرن واول ماتحمر طلعيها
بالهنا والشفا
يارب تعجبكم جربوها
مواضيع هذا القسم برعاية
عاشقه النسيان عاشقه النسيان 390761_1.gif فتكات هايلة Fatakat 390761 القاهره – مصر
سبحان الله و بحمده