اخباركوا ايه في التكتكة دي
انا نفسي ربنا يعوضني خير وان شاء الله ربنا كريم
انا متجوزة من حوالي 3 سنين الا 3 شهور وحملت بعد جورازى ب 3 شهور ماشي وحصلي مشاكل انا والبيبي يعني تسمم حمل والبيبي كان قلبه مش كويس وكدة وولدت في الشهر السادس تقريبا طبيعي ماشي بعدها ب9 شهور حملت تاني وحملي كان ماشي كويس وبعدين في اخر السابع برده وظائف الكبد عليت اوي اوي وكدة ويعني تقريبا تسمم حمل والبيبي كان مريض قلب برده وولدته في اخر يوم في السابع عاش 9 ايام في الحضانة ومات
عملت تحاليل وراثية انا وجوزى وطلع عادى مفيش مشاكل واحنا اصلا مش قرايب رحت من يومين لدكتور جاسر البشري ربنا يباركله انا حاسة انه كويس و دكتور الوراثة شكرلي فيه اوووووووي هو قاللي ان وظائف الكبد والضغط دي حاجة متلازمة مع الحمل ده بالنسبة ليا وقاللي على اعلى حاجة للفوليك اسيد اللي هو 5 جرام
واول يوم اعرف ان فيه حمل اخد حقنة clexane دي تحت الجلد وقاللي انها هاتفضل طول فترة الحمل وكتبلي برده على اسبرين الاطفال
قاللي بقى على الفوليك اخده من دلوقتي انا باخده
انا كنت مركبة اللوب بعد الحمل التاني لا نفسيتي كانت صعبة وماكنتش عايزة اعيد التجربة تاني
طبعا انا منستش اللي فات بس ربنا انعم عليا بنعمة الصبر و الحمد لله على كل شي
انا شلت اللوب من حوالي 10 ايام كدة يعني كان 6 يوم من البريود
ونفسي ربنا يكرمني بالحمل الصحيح السليم الكامل وبطفل صحيح سليم معافى او توأم
يلا علشان اخلص بس اهم حاجة يكونوا سلام صحاح
ممكن حد يفيدني في:-
1 الحقن دي نظامها ايه يعني بتتاخد ازاي وكدة
2وممكن احمل على طول ولا ايه علشان يعني اللوب انا لسة شايلاه يعني الحمل بياخد وقت بعد اللوب
3حد تابع مع دكتور جاسر طب اخباره ايه يعني اكمل معاه
ربنا يجازيكوا خير متبخلوش عليا برأيكوا
يمامة بيضاء يمامة بيضاء 284596_2.gif فتكات هايلة Fatakat 284596 القاهرة – في مملكتي