انا كنت كتبت من حوالي اسبوع كده ان هرمون الحمل مش بيتضاعف وعملت سونار والدكتور مشفش حاجه في الرحم وقاللي الحمل مش حيكمل و اداني حقنه عشان تنزل البيبي عشان الحمل مش سليم وقال احتمال يبقى حمل خارج الرحم.المهم اخدت الحقنه من 8 ايام ولغاية دلوقتي منزلش عليا ولا نقطة دم حتى.المهم الدكتور امبارح قاللي عيدي التحليل وعدته لقيته بدل ميقل زاد من 121 ل 340.طبعا قاللي تعالي فورا.رحت عمللي سونار مهبلي ولا شاف حاجه في الرحم ولا في الانابيب؟؟؟؟ قلتله طب ازاي الهرمون قاعد بيزيد قاللي في تشخيص دلوقتي جديد اسمه " حمل غير محدد المكان".قاللي اعمل تحليل بكره لو نسية الهرمون مقللتش بمفعول الابره حنعمل منظار بس مش اكيد ان احنا حنلاقيه برده؟؟؟؟؟
قلت اشوف الكلام ده صحيح قريت على النت لقيت فعلا في تشخيص جديد كده.هوا دكتور شاطر اوي اوي وانا واثقه في اوي بس متلخبطه ومرعوبه ومش فاهمه حاجه.انا كل اللي هاممني دلوقتي ان الحمل ينزل واخلص باه.الموضوع طول اوي ودمه تقل اوي ونفسي اخلص بقه.
ادعولي يا جماعه الموضوع يخلص وربنا يصبرني ويعوضني بصبري خير.
اللهم اجرني في مصيبتي واخلفني خيرا منها…
مامة هيا مامة هيا 292985_2.gif فتكات نشيطة Fatakat 292985 القاهره – مصر