ازيكوا يا بنات انا الحمد لل ولدت من 3 شهور بالظبط وربنا رزقنى ببنوتة اسمها فرح ربنا يباركلى فيها ويرزقنى برها يارب حبيت بس انصحكوا من شوية حاجات يمكن اكون انا غلطت فيها او تعبتنى جامد فقولت لازم انصحكوا ربنا يجعلها ف ميزان حسناتى
اولا طول فترة الحمل انا مش هكلم كتير عنها لان القسم ما شاء اللة انتوا وانا اتعلمنا حاجات كتير منه بس نصيحة اهتموا باكلكوا لاخر لحظة حتة قبل الولادة يعنى انا ف التاسع كنت ف نصة البنوتة كانت ما شاء اللة وصلت 3 كيلو ونص بدات ماركزش اووى اليوم اللى قبل الولادة مكلتش كويس البنوتة نزلت جعانة خالص ادوها ف المستشفى ببرونة لبن اول لما طلعت ماما وحماتى بيقولولى كانت جعانة خالص وعمالة تشفط فيها يا عينى وكانت جعانة ودة طبعا بيعصبها عليكى لما تيجى ترضعيها طبيعى لانها بتبقة عايزة حاجة تنزلها بقة ومبتصبرش انا بنتى كانت بتقعد تعيط وطبعا اللبن بينزل 3 يوم بيتاخر شوية بيبقوا يومين صعبين اووى بالزات للى بيولدوا قيصرى بطنك مفتوحة ومش عارفة تشليها ولما بتحطيها ع صدرك بتضغط ع بطنط فبتوجعك ومببيبقاش فية لبن ف الول فبتتعصب ف الاول عقبال ماينزل اللبن بس اوعى تستسلمى والنبى للصناعى يعنى هوة زمان كان فية لبن صناعى كان كل الامهات بترضع طبيعى انا بقولكوا كدة عشان انا كنت خلاص هقول لجوزى هاتلى صناعى بس وديتها للدكتور اللة يكرمة هوة اللى قالى لا حاولى ولازم تبقى هادية خالص عشان الطفل بيحس بيكى يعنى حطيها ع صدرك مش هيبقة فية لبن ف الاول امسحى ع شعرها كلميها كدة عشان تحس حنانك كدة يعنى انا بقولكوا كدة وانا معملتش كل دة انا كانت بتعيط كنت بقعد اعيط جنبها واللة لحد ما اقعدت اقرا قران واقريها لحد ما ربنا هدهالى الحمد للة واللة يا بنات انا الرضاعة كانت بالنسبالى اصعب من الولادة بس بتعدى اصبري هوة الواحدة بتبقة اصلا مكتئبة كدة او يعنى لما البيب بيعيط وبيبقة جعان بتبقى انتى مضايقة بس فترة اجمدى كدة وعشان كدة لازم النونو ينزل وزنة كويس باللة عليكوا لان اول فترة اسبوع كدة بيخسوا انا بنتى نازلة 3 و700 بعد اسبوع كانت 3 فاهتموا بالكل والحاجات دية البيبي لما وزنة بيبقة حلو بيريح بتبقة عارفة تشلية تحمية كدة
اللى هيولد قيصري ف الحر دة الجرح لازم تعتنى بية حتة بعد فك السلا تدهنية بديتول او بيتاديين لان ف الحر دة ممكن يلتهب انا رغم انة فات 3 شهور لقيتة ملتهب ومحمر شوية من الحر وكدة فلازم تستمر بعديها بشهور بالبيتادين وكدة
اية كمان اه لما اللبن ينزل ممكن ينزل ع الجرح اوعى والنبى لانة هيساعد ع نمو البيكتريا ف المنطقة دية فخلية دايما منطقة الجرح ناشفة
مش فاكرة حاجة تانية يا بنات دلوقتى
اه بلاش تقعدوا تدعو بالولادة القيصرى او الطبيعى ادعو دايما ربنا يكتب الخير ايا ما كان انا الحمد للة بحمد ربنا ع الولادة انا كنت فاكراها اصعب من كدة بكتير بس واللة سهلة وكفاية ان انا شفت بنتى اول لما طلعت للدنيا دية كفاية واللة لحظة ما تنوصف ربنا ما يحرم حد ابدا يارب
بس لو افتكرت حاجة هقلكوا ربنا يكمل لكل واحدة حامل ع خير يارب ويرزق كل مشتاقة
ادعولى بقة ربنا يكرمنى ف فرح ويفرحنى بيها ويخليها ليا ويهديهالى ياااااااااااااااااااااااااااااااااااارب
sasa1414 sasa1414 images/avatars/landscape.jpg فتكات رائعة Fatakat 643987 دبي – الامارات
سبحان الله و بحمده