السلام عليكم ورحمه الله وبركاته
ازيكو يا فتوكات عاملين ايه بقالي ياما اوي مدخلتش علشان كنت والده وكده المهم انا يا بنات كنت خلصت التاسع واخدت اسبوع بعديه علي ما ولدت طبعا كنت هتجن واولد وقاعده اروح كل شويه لدكتوره واقولها اديني طلق صناعي تقولي لا لما تيجي لوحدها احسن المهم قبل الولاده بحوالي اسبوعين الدكتوره قالتلي خدي زيت خروع وجوزي كان خايف منه مرضاش يجبهولي وبعد معاناه معاه وتحايلات بالهبل وافق وجابه واخدته اخر يوم فالتاسع ونمت قومت الفجر عاوزه ادخل الحمام اخدت حوالي 3معالق كبيره علي كوبايه لبن المهم قومت دخلت الحمام عملت اسهال بس مره واحده بس موش كل شويه زي ما كانو مخوفني او ممكن علشان انا مكترتش المهم بعدها جالي طلق وقولت الله هولد بعد ساعه الطلق راح ولا كان حاجه حصلت استنين بليل واخدته وصحيت الفجر نفس النظام طلق ساعه وخلالص فضلت الاسبوع اللي بعد التاسع كده كل ما اخد زيت خروع اقوم الفجر عندي طلق لو ما اخدتش ميجيش طلق طبعا كنت زهقت ونفسيتي زززززززززززززززززززفت ومقعده بنتي من المدرسه لحد ما اولد ودي اول سنه ليها وكل شويه اروح لامي اقعد عندها كام يوم ومولدش فاروح بيتي وبعدين اروحلها كام يوم تنين والدنيا تتقلب اني هولد واخواتي كلهم يتلموا وفالاخر مولدش وكلو يروح وهكذا المهم شويه الطلق اللي كانو بيجو دول فتحوا الرحم صبع ونص بس برضو مينفعش اخد طلق صناعي غير لما يبقوا تلت صوابع روحت بيتي وقولت انا مستعجله علي ايه وقت ما يجي يجي وعشت حياتي عادي جدا ليله السبت يوم 5_10 اخدت شويه خروع علي لبن ونمت قومت الفجر برضو علي وجع مرضتش اقول لجوزوي ولا حاجه لحسن يتعشم وزي كل مره سكت دخلت الحمام وخرجت الوجع راح بس ضهري لسه بيوجعني المهم جوزي قام وصلينا الفجر وبيقولي هتلاقي ايام احلي من دي تولدي فيها ايه موش فاهم؟؟ كان اول يوم فذي الحجه قولتله بصراحه انا عندي وجع بس موش عارفه هيروح زي كل مره ولا هيستمر وتبقي ولاده المهم فضلنا قاعدين وكل شويه يسالني الوجع راح؟؟ طيب بيزيد؟ طيب حاسه بايه وهكذا كنت يوميها رايحه لامي علشان هو هيعتكف فالمسجد اول عشر ايام من ذي الحجه قولتله بقولك ايه ادخل نام وانا ورايه شويه حاجات هعملها قبل ما امشي لو الوجع راح هاجي انام جنبك ونبقي نقوم براحتنا نروح لامي ولو مراحش هبقي اصحيك علي 10 كده نروحلها ونشوف الموضوع فعلا دخل نام وانا دخلت اخدت دوش وطلعت دخلت علطول علي اوضه المسجد مسكت المصحف قريت سوره ياسين وسوره الرعد وسوره مريم وسوره السجده وسوره الزلزله 7 مرات وكنت كل يوم تقريبا بقرا سورتي الرعد وياسين بنيه تيسير الولاده لاني تعببببببببببببببببببببببببببببت اوي فولادتي الاولي بجد فضلت يومين اولد وكنت هموت لدرجه الدكتوره اللي ولدتني قالت دي اصعب ولاده شوفتها فكنت خايفه اوي ومرتين كده فالشهر التاسع صليت ركعتين قيام لييل الركعه الاولي بالبقره والركعه التانيه بال عمران وانا قاعده طبعا المهم وقعدت ادعي واقول شويه اذكار وكده والوجع عمال يزيد بس انا اصبر نفسي واقول متركزيش فالوجع من دلوقتي لسه قدامك مشوار طوييييييييييييييل طبعا بفتكر ولادتي الاولي المهم نزلت عليا افرازات فيها دم احمر تاكدت بقي انها ولاده خلصت كل حاجتي وحضرت الشنط وكلو تمام واتصلت باخواتي قولتلهم اني هولد فراحولي علي بيت امي المهم علي تسعه ونص لقيت جوزي صحي قالي ايه النظام الوجع راح قولتله لا المهم دخل اخد دش وطلع قالي هنزل اجيب عربيه وانتي البسي لبست ولبست بنتي والعربيه جت روحنا لامي لقيت اخواتي هناك كل ده الطلق شغال بس انا قاعده اقول لنفسي متضعفيش من دلوقتي لسه التقيل جي وبحاول اتجاهل الوجع عملولي قرفه وكلام من ده وروحت لواحده صحبت امي ممرضه بتفهم فالولاده والحاجات دي وولدت اخواتي الاتنين قبل كده المهم روحتلها كشفت عليا وقالتلي ماشاء الله الله اكبر كلو تمام روحي اتمشي حوالي ساعه وتعالي اولدك سالتها فتح كام صبع مرضتش تقول قولتلها قدامي لحد امتي قالتلي ان شاء الله المغرب موش هياذن عليكي الا وانتي ماما رقم اتنين الكلام ده كان واحده الضهر وانا قولت فسري طالما قالت المغرب يبقي قدامي لبعد العشا بساعتين موش عارفه ليه كنت متشائمه اوي ممكن من اللي شوفته فولادتي الاول معدتش بثق فحد روحت لامي تاني مش ونصيحه يا بنات والله المشي بيهون الطلق كتييييييييييييييييييييييييييييييييييير لما تجيلك طلقه خديها وانتي ماشيه موش هتحسي بيها خالص لما تقعدي ولا تقفي بيبقي الوجع صعب اوي لكن وانا ماشيه كانت بتخف بنسبه 50 فالميه المهم روحت وفضلت اتمشي فالبيت وانط وارفع جسمي كلو علي صوابع رجلي من قدام وبعدين اهبد جامد علي كعب رجلي وامي تجبلي فحاجات مسكره وتاكلني وانا موش عاوزه اكل خالص شربت عصير وبس كل ده برضو وانا متماسكه وتمام رغم الوجع كان جامد بس كنت رايحه جيه عادي الست اللي هتولدني طلبت مننا طلبات نجبها من الصيدليه واحنا رايحين لها جوزي كان معايا بس قاعد تحت فالمسجد تحت بيتنا مسجد وانا فوق فالبيت المهم اذن العصر قالي هروح اصلي واجيب الحاجات من الصيدليه واجي اخدك ونروحلها وانا قاعده اقوله اتاخر انا لسه قدامي بدري راح صلي وجاب الحاجات وجه قالي البسي كنت خلاص بقي بدات افقد القوه بتاعتي برضو موش من الوجع اكتر مانا صعبانه عليه نفسي وحاسه اني بتوجع اوي وموش عارفه الوجع ده هيخلص امتي وقاعده افتكر ولادتي الاولي وحاسه اني لسه قدامي ياما وبدات بقي اعيط بس من غير صوت المهم لبست واخدت امي وجوزي واختي وروحنا للست فرشوا مشمع عالسرير وكلام من ده وكشفت عليا قالت ما شاء الله الرحم خلاص فتح نعلق المحلو بالطلق الصناعي ولا ملهوش لازمه امي قالتلها علقيه يساعدها فنزول البنت انا اول ما نمت عالسرير معرفش ايه اللي حصلي الطلق بقي جااااااااااااااااااااااامد اوي وقعدت اعيط بصوت عالي بقي واقول يااااااااااااااارب وكده المهم علقت المحلول وقاللتلي متحركيش ايدك وانا خلاص بقي موش قااااادره المهم حسيت ايدي نملللللللللللت اوي اللي فيها المحلول والتانيه كمان وحسيت هيغمي عليا وجاتلي طلقه ولقيت الست كبتلي زيت من تحت وسمعت امي بتقول يلا ما شاء الله البنت اهي شيفاها المهم فوقت وحزقت بصويته كانت اول واخر صويته صوتها الحمد لله مانمتش عالسرير حوالي ربع ساعه بس ولقيت البنت نزلت مبقتش مصدقه واقعدت اعييييييييييييييط بصوت عااااااالي واقول الحمد لله يارب الله يخليكي يا خالتي ام انس واعييييييييييييييييييط فضلت فالانهيار ده حوالي تلت ساعه واختي تبوس فيه والست تبوس رجلي اصلها طيبه اوي وزي ما تكون امنا موش صاحبه امنا والله بصيت عالشباك لقيت الشمس لسه مغربتش الحمد لله كانت ولاده سهله اوووووووووووووووووووووووووووووووي وامي اتصلت بجوزي كان واقف بره يجيب عربيه علشان اروح علي بيتها مفتحتليش من تحت بس البنت وهي نازله فتحت براسها حته صغيره كده قالتلي خليكي قافله رجلك علي طول واتشطفي ببيتادين هتقفل لوحدها فعلا الحمد لله قفلت خلاص وروحت بيتنا عالمفرب زي الفل وبنتي الحمد لله تمام وكانت زي القمر سميتها روميساء المهم بقي نصيحه يا بنات من اول التاسع امششششششششششششششششششششششششي علي قد ما تقدري بجد المشي مهم اووووووووووووي
ثانيا الدعاء والقران بجد انا متاكده ان ولادتي كانت سهله بفضل القران والدعاء
ثالثا خلي عندك فالبيت كريم ون علشان اول ما يجيلك الطلق لو موش عامله سويت تخلصي نفسك بالكريم
رابعا اول ايام الولاده خصا اول 3 ايام بيكون الدم يااااااااااما اوي مبينفعش معاه الالويز العادي ولا حتي فوط الولاده اللي فالصيدليات فاحسن حل انك تشتري 3 بامبرز من بتاع كبار السن ب5 جنيه الواحده وتلبسيه اول 3 ايام فقط بجد هترتااااااااااحي خالص وتبقي مطمنه انك موش هتتبهدلي كول شويه وهدومك تتبهدل دم
خامسا اربطي بطنك بعد الولاده ضروري اوي انا اشتريت حزام للبطن من الصيدليه كان تقريبا ب45 جنيه بيمط شبه الاستك كده
سادسا اشربي حلبه ومتمنعيش الميه خالص لكن قللي منها واتغذي كويس علشان الرضاعه ةحطي جوه البرا منديل مطبق كذا مره عند الحلمات علشان هدومك متتوسخش كول شويه من اللبن بيبقي زفر ويخلي ريحه الهدوم زفره اوي
سابعا زيت الخروع كويس اوووووووووي بس متكتريش علشان ميتعبكيش فالاسهال
ثامنا من نص التاسع كده ادهني لنفسك من تحت زيت زيتون علشان جلدك يكون طري ومتحتاجيش فتح
يارب اكون افدتكم ادعولي ربنا يحفظ بناتي ويطلع لام انس ابنها بالسلامه علشان محبوس ظلم زي كتير اوي وعقبالكم كلكم يارب تولدو بسهوله
حبيبه زين حبيبه زين 147496_1.gif سوبر فتكات Fatakat 147496 الهانوفيل – مصر
سبحان الله و بحمده