مساء الفل ياقمرات
****
جايبلكم النهاردة وصفتين هايلين ومجرباهم بنفسى
انا وأولادى والنتائج مزهلة وجربى بنفسك
والله مش حاتندمى
*****
الوصفة الاولى لعلاج الاسهال
ملعقة شاى
ملعقة نعناع
ليمونـــــــــة
اعصرى الليمونة فى الكوب واحتفظى بالقشر
أغلى كوب كبير ماء ثم ضعى النعناع وقشر الليمون
واغليهم لمدة 3 ق ثم ضعى ملعقة الشاى وأول ما
يقلب أطفى النار وغطيه وانتظرى 5 ق ثم صبى
الخليط على الليمون 00 يشرب 3 مرات لمدة يوم
واحد وانت حتلاحظى النتيجة من أول كوب
******
الوصفة الثانية لعلاج الامساك
العادى وليس المزمن
مشروب اليانسون ونتيجته هايلة جدا مع الاطفال
وممكن النتيجة تبان من اول كوب بس لازم تغلى اليانسون مدة 3 ق يعنى ماتعملهوش كشرى وبعد
ماتغليه اطفى النار وغطيه و اتركيه مدة 5 ق فهمتى
يافتوكة غطيه علشان يحتفظ بالزيوت الطيارة المفيدة
وهذه الوصفة تفيد الكبار بس زودى اليانسون وممكن تحتاجى من
كوبين الى 3 اكواب
****
اما بقى الامساك المزمن فحكايته حكاية واللى عايزة تعرف
تبقى تسألنى وانا حاتبغدد وحاتأقل عليها بس اكيد حاتصعب
على وحاحن وحابوحلها بأسرارى
*****
ماشى ياقمرات انا مش حابخل عليكم
وصفة علاج الامساك المزمن
أول شىء تعمليه اول ماتصحى من النوم وقبل ماتغسلى وشك
كمان تروح زى الشاطرة كدة وتشربى 2 كوب ماء دافىء ممكن
من الحنفيه بس النتيجة حاتبقى أبطأ 00 طبعا حاتقولى أخى يبقى
انت مش عايزة تتعالجى بصى ياقمر لو مش حاتقدرى يبقى ضعى عسل نحل علشان تقدرى تشربيها وفى اقل من نصف ساعة
مش حاتمسكى نفسك وحتلاقى نفسك بتاخدى الحمام بالحضن
بس بشرط اوعى تشربى الماء وتروحى تفطرى لا اصبرى
لما تدخلى الحمام
ثانى شىء قليلى من شرب الشاى لانه بيعمل امساك
ثالث شىء اكثرى من تناول الخضر والفاكهة والسلطة
الخضراء
رابع شىء اشربى يوميا يانسون تقيل واكثرى من شرب الماء
خامس شىء كل أسبوع ممكن تشربى سلمكةاو سنامكى
تحضيرها كالاتى
احضرى 6 اوراق من السنامكى واغليهم فى نصف كوب ماء
وغطيهم واتركيهم يبردوا خالص ثم اشربيهم بالليل بعد وجبة
العشاء بس ماتكونيش خارجة تانى يوم الصبح
لو مشيتى على الوصفة دى مش حاتبقى كويسة على طول
بس ماتتركيش الوصفة لانها مش علاج لان الامساك المزمن
مالوش علاج غير كدة
*****
يارب الوصفات تفيدكم
واللى مش حاتقييم مش حاقولكم انا مخبيالها ايه
سلام ياقمرات
^
^
^
^
^
^
^
^
^
^
عرفتى ايه مستنيكى
ههههههههههههه
يالا بقى مستنيه ردودكم وتقييمـــــــــــكم
سلام ياقمرات
beauty fotna beauty fotna 177734_1.gif فتكات غالية قوي Fatakat 177734 القاهرة – مصر
سبحان الله و بحمده