السلام عليكم يا اخوات,,
انا بكتب ليكم ومخنوقه ع الآخر ,,انا قضيت عمر وانا بعاني من الوساوس القهريه منها نتف شعر الرأس ,والمشكله دي عامله ليه ازمه وتوتر وقلق شديد مش عارفه ابطل اشد شعري واقطعه
يعني انا دلوقتي ايد ع الكيبورد وايد بتقطع في شعري ,وتعالي شوفي اكوام من الشعر مقطعه جنبي وشعري بعد ماكان كثيف وكنت بدايق من كثافته وعاوزاه يخف بقى دلوقتي شعرايتين وحاجه محرجه اوي بجد انا زهقت من حياتي ومن الوسواس ده وعايزه اموت مش طايقه نفسي 11سنه وسواس في كل حاجه ممكن تتخيليها حياتي كلها هم ونكد قرفت من عيشتي ,عارفه ان ده ابتلاء من ربنا بس انا تعبت مش عارفه حتى اتذوق حلاوة الايمان من كتر الوساوس وباخذ علاج للوسواس والاكتئاب بس من غير فايده ,اوقات بخف وبرتاح لما اقصه بتخف المشكله ,بس انا مليت من الشعر القصير عاوزه اطوله واول مايطول واربطه ابدأ اقطع فيه وارميه,
دلوقتي انا بفكر احلق شعري واخلص ,بس خايفه لما اشوف نفسي من غير شعريزيد اكتئابي اكتر واتعب,وانتو عارفين انه تاج المرأه هو شعرها ,,ياريت لو الاقي الحل للمشكله دي ,اللي مرت بالتجربه دي وخفت تقولي ازاي او اي اخصائيه نفسيه تساعدني فيه علاج المشكله ..بارك الله فيكو
black-rose black-rose 455041_1.gif فتكات نشيطة Fatakat 455041 الشرقيه – السعوديه
سبحان الله و بحمده