انا النهارده طقت فى دماغى اعمل فطير مشلتت لانى بموت فيه قمت عملته وكنت عامله كدهالمهم لما عملته لقيتنى عملت كدهماهى اول مره ليه
ايه الرغى ده هدخل فى الموضوع علطول
المقادير
ا/2كيلو دقيق
شوية ملح صغيره
شوية سكر صغيره
مايه دافيه للعجن
الطريقه
هنعجن المقادير كلها مع بعضها ونزودالمايه شويه بشويه لغاية ماتلاقى العجينه بقت متماسكه معاكى وتفضلى تعجنى تعجنى لغاية اما العجينه يبان لها اصحاب ههههههههههه
انا عجنتها حوالى 1/2ساعه وقسمتها ل3قطع وغطيتها بشوية زيت وسبتها ترتاح حوالى 1/2ساعه وكل ماترتاح اكتر كل ماتبقى معاكى احسن
وبعدين فردت شوية زيت على الترابيزه وفردت كل قطعه رقيقه جداوبعدين فردت الزبده عليها وطبقتها وهكذا باقى القطع وحطيتهم جوه بعضهم وسبتهم يرتاحوا شويه وبعدين حطيتها فى فرن حار جدا ودى الصور بس مش كامله لانى ماكنتش عارفه ان هتطلع كده لما لقيتها حلوه صورت لكم الصور النهائيه وقلت اوريهالكمودى صوره لما استوت
مستنيه ردودكم ولوتستاهل تقييم قيموا مواضيع هذا القسم برعاية
ميويه1 ميويه1 379857_5.gif فتكات رائعة Fatakat 379857 العين – الامارات