حبيبى الحلوين
انا عاوزة اقولكم انى بموووووووووووووووت فى
و الحمد لله بعمله حلو اوى
فاقولت ماينفعش كدة ماقولش للبنات القمرات
انا ازاى بعمله
انا طبعا بكون شغالة فى كل المكونات بتاعت الكشرى فى نفس الوقت
بس علشان ما الخبطكمش
هاقولكم حاجة حاجة
تمام
نبدأ
بسم الله الرحمن الرحيم
العدس
بغسل العدس كويس اوى و بنقعه بالليل قبل مانام
و دة العدس تانى يوم قبل ما يتسلق
بشطفه كويس تانى من ميه النقع
و بعدين بحطله ميه نضيفة و ملح و احطه على النار يتسلق
و لما يتسلق بصفيه من الميه
و احطه فى علبة
الحمص
بس هاتقولولى ليه عامله حمص كتير كدة
هاقولكم علشان قولت بالمرة اعمل حمص للاكل
يعنى بالليل شوية حمص و ليمون و شطة هههههههه
برده بغسل الحمص و انقعه من بليل
و تانى يوم بغسله تانى كويس
و كدة قبل ما يتسلق
احطله بقى ميه و شوية ملح و احطه على النار
و بعد مايستوى اصفيه و اظبط الملح بتاعه و احطه فى علبة
البصل
بقطع البصل شرايح مش رفيعة اوى و لا تخينة اوى
و بحطه فى مصفة و ارش عليه شعرة ملح
و اقلبه كويس اوى و افككه من بعضة
و بعد حوالى 5 دقايق هايكون نزل ميته
و هو دة دور الملح علشان البصل يبقى مقرمش
و بعدين احط الزيت على النار بس مش كتير علشان هاقلى البصل حبة حبة
علشان يتحمر كويس و مايتحرقش منى
يعنى انا عملت 4 بصلات على 4 مرات
و كدة كمان هايخليكى ماتحطيش زيت كتير علشان لما يترمى مايبقاش اترمى زيت كتير
و لما الزيت يسخن احط شوية من البصل
و اخد بالى منه و كل شوية اقلبه لحد ما يتحمر
و اطلعه على المناديل و احط الكميه اللى بعدها
و افرده على المناديل كويس على ما يبرد علشان ما يطراش
و لما اجى اطلع الكمية اللى بعدها ما احطهاش على القديم
اتاخر القديم على جمب و افرد الجديد على المناديل
علشان دة اللى بيخلى البصل يطرا
ان السخن يتحط على البارد
و طلعيه من الزيت و هو مسفر لانه بيغمق بعد ما يطلع من الزيت
فعلشان ما يبقاش محروق
و دلوقتى البصل كله خلص
حلو و مش محروق و كله مقرمش
و مافيهوش واحدة طريه ولا واحدة
الدقة
عبارة عن
توم مدقوق مع فلفل اخضر
ملح
فلفل اسمر
بهارات
كمون
كسبرة ناشفة
شطة
خل
مية
بس خلاص و اركنها على جمب و اغطيها علشان طعم المكونات كلها تدخل مع بعض
استنوا المشاركة الجاية هاكمل باقى المكونات
مواضيع هذا القسم برعاية
جيجى الرغاية جيجى الرغاية 445317_3.gif فتكات ست الكل Fatakat 445317 عفيف – السعودية