ازيكم يا قمراتى
وحشتونى وكل سنه وانتم طيبيين
ويا رب السنه ده تكون سنه حلوة علينا كلنا يا رب
وصلوا على سيدنا محمد
عليه افضل الصلاه والسلام
انهاده ههنعمل مع بعض روستو ورك رومى
انا كنت عملاه فى عيد ميلاد جوزى اول يوم فى السنه كل سنه وهو طيب يا رب
وطبعا احنا فردين فالديك الرومى الكامل هيبقى كتير علينا اووى
ودلوقتى فى اى سوبر ماركت هتلاقوهم بيبيعوه الديك
مفصل يعنى الورد لوحده والصدر لوحده ولو عاوزه منه بانييه يعملك
وطبعا ده احلى واوفر خصوصا للى عددهم قليل
المقادير
ورك رومى حسب الوزن الى انا جيباه ده 3 كيلو
للتتبيله
هنحتاج
بصل
توم
طماطم
خل وليمون
ملح وفلفل وبهارات وورق لورا وحبهان
وجنزبيل وزعتر وقرفه وكبابه صينى
تحت الورك هنحتاج
بصل وجزر وطماطم وكرات وكرفس
الطريقه هنضرب كل مقادير التتبيله فى الخلاط
ونتبل الورك من بالليل احسن
انا كنت متبلاه وشلته متبل فى الفريزر حوالى 3 ايام
اما نيجى نعمله نقطع البصل والجزر والطماطم والكرات والكرفس
ونحطهم فى الصينيه ونحط الورك عليهم ومعاه كوب مايه
وبعدين نغطيهم بالفويل كويس اووى وندخلهم الفرن يكون سخن
وطبعا لكل كيلو فى الديك الرومى نص ساعه فى الفرن
ده قعد ساعه ونص وبعدين شلت الفويل للوش يتحمر حوالى نص ساعه تانى
وكان مستوى وزى الفل
وده شكله بجد روووووووووووووووووووعه
ومستوى واللحم متبل ودايب
عملت جنبه رز بالخلطه
طريقته سهله وبيبقى حلو اووى
هنجيب معلقه سكر ونحطهم عالنار يتحرقوا لما يبقوا زى الكراميل
ننزل عليهم بمعلقه زبده وزيت وملح وفلفل وبهارات وقرفه
ومعلقه صلصه
وبعدين ننزل بكوباييتي رز مغسول ونقلبهم
ونضيف مكعبين مرق والمايه ونسيبه يستوى عادى
للوش انا بسلق كبد الفراخ وبعدين احمرهم مع الزبيبت واى مكسرات
وده شكله
وكنت عملاه كمان رقاق بحشو البيتزا
طريقته عادى جدا
بس مع الحشو اللحمه بزود جبنه مبشوره
وفلفل رومى
وزيتون مخلى وطماطم
وده شكل الاكمل كله
وده كمان
وده التورته طبعا انا الى عملاها
وهتلاقوه الطريقه بالتفصيل هنا
تورته عيد ميلاد جوزى حبيبى اول يوم فى السنة من مطبخى وبالصور (
وده كمان
وبس كده اتمنى الموضوع يعجبكم
زى ما عجب جوزى ههههههههه الاكل يعنى
وطبعا زى كل مره متنسوش التقييم
وبلاش بخل فى الردود
واى سءال انا تحت امركم
سلام يا قمراتى
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى