والله يا بنا الدنيا سودة فى وشى
وثقتى فى نفسى ضايعة
هاحكيلكوا
انا ام لاربع اطفال
اخر اتنين تؤام
10 شهور دلوقتى
طبعا انتوا عارفين الحامل فى التؤام
بطنها بتبقى عاملة ازاى
ومية فى كل جسمى
المهم طبعا ولدت قيصرى
ومانفعش لبس الحزام
المهم كان عندى ترهلات جامدة جدا
وبدات بالايام تملى دهون
وانا اساسا مش باكل
الا مرة واحدة فى اليوم
ومش كتير كمان
تربية اطفالى واخدة كل وقتى
لان اكبر واحدة عندى 6 سنين بس
وكمان ماعنديش اى ارادة
عشان امشى على رجيم
دة غير انى تعبانة طول الوقت
من عضمى دايما عضلات رجلى بتشد
وكل عضمى بيوجعنى
دة غير الدوخة والصداع
دايما عندى
طيب
زوجى مسافر للعمل بالخارج
وراجع كمان 5 شهور
وانا شكلى وحش قوى
مش طايقة ابص لنفسى فى المراية
محتاجالكم قوى
اعمل ايه يا بنات
قولولى وصفات
اعشاب
مشروبات
بتخسس
بس متكونش مكلفة
انا مشكلتى كمان
ان ماعنديش وقت للاكل
باشرب كوكا او بيبسى
حوالى 2 لتر فى اليوم
انا مستنياكوا يا بنات
تقفوا جنبى
ام عبودة 2024 ام عبودة 2024 104993_7.gif فتكات غالية قوي Fatakat 104993 وسط العيال وابوهم – مصر