السلام عليكم يا فتوكات
طبعا الموضوع باين من عنوانه اه ان عملت سمنه بلدى لوحدى وبجد مش مكلفه خالص
اولا انا اولاد اختى بيرضعو صناعى
واختى بتشترى كل يوم اتنين كيلو لان عندها توأم
بتغلى اللبن ولما يبرد بتحطه فى الثلاجه وتانى يوم تشيل الوش اللى عليه اللى هو القشطه
واكتر الاوقات بتبعتهولى لانها مش بتحب اللبن
وطبعا لانه كتير ساعات كتير بسيبه وبرميه
فجيت مره ارميه وكانو كميه كبيره
قولت حرام عليه وربنا هيحاسبنى على كده
فقررت وقولت وليه معملش سمنه بلدى بدل ما بشتريها ب 50 جنيه
الطريقه
تجيبه الوش (القشطه) فى اناء واسع وتحطو عليها ملح
وبعدين تبدءو تقلبو زى ما بتقلبو السكر فى الشاى بس تقلبو بايديكم
وتستمرو حتى يتفتت تستمرو برضو حتى يمسك فى بعضه ويفصل عنه الحليب
ثم تصفو عنه الحليب وتكوروها فى ايديكم ودى بتكون الزبده
تحاولو تصفو كمية اللبن منها
وبعدين توضع عالنار وهدو خالص لحد ما تسيح وسيبوها
هتعمل رغاوى عالوش سيبوها برضو لحد ما تلاقو بدء لون بنى يظهر فى قاع الاناء
ثم طفو النار وبعدين صفوها فى اناء واللى يخرج منها ضعوه فى طبق وهى دى المورته (الملوحه)
وسيبو السمنه لحد ماتبرد وبعدين حطوها فى الثلاجه وكل ما تحبو تستعملوها خدو منها ورجعوها الثلاجه
والله بتوفر كتير جدا
يعنى لو بتشترو لبن دايما حاولو تسيبوه فى الثلاجه لحد ما يعمل وش وشيلوه فى جمب فى الثلاجه
لحد ما تكونو كميه اعملوها وهتلاقوها جميله جدا
اتمنى تكونو فهمتو
واللى عندها استفسار او مش فاهمه حاجه تقولى وانا اوضحلها اكتر مواضيع هذا القسم برعاية
انا ام عبودى انا ام عبودى images/avatars/mutedcolors.gif فتكات حبوبة Fatakat 1150768 المنصوره – مصر
