الموضوع ده بيدايقني اوي
ليه كل الناس بتفرح بخلفه الولاد اكتر ولما بلاقي واحده خلفتها كلها ولاد
ما بتبقاش مدايقه زي اللي خلفتها كلها بنات
وفيه ناس مستفزه ممكن تلاقي واحده مخلفه بنتين مثلا تروح راميه كلمه
ربنا يعوض عليكي بالولد..يا نهار ماهوش فايت يعني البنات دول بلوه
لازم بجد الناس تراعي مشاعر بعضها شويه..يزيد ايمانها
ويقينها بربنا اكتر من كده..كله رزق وكله نعمه فيه ناس مش طايله
لا ده ولا ده…يارب ارزق كل واحده يارب بالخلف الصالح
وتعالي نفكر اكتر في البنت..نبدأ من الطلق..طلق البنات غالبا اسهل
لبس البنات يجنن..يهوس..طعامه مش ممكن..احلي ميت مره من لبس الولاد,
الولاد تربيتهم سخيفه جدا وغالبا شقاي..
البنت حبيبه امها..وفي سن بتبقي الأم والبنت اصحاب
الولد الأم تعد تربي ويتهد حيلها وفي سن بيبقي عايز ابوه اوي ويقرب
منه اوي والأم بتتحول لعدوه غالبا وبيبقي عايز يتخلص من حكمها عليه عشان ما يبقاش
ابن امه زي ما اصحابه بيقولوله..وطبعا طبعا كلنا عارفين المعلومه اللي بتقول ان تحديد نوع
الجنين ده بيبقي من الأب مش من الأم..يعني الستات مالهومش اي دخل
يتسمم بدنهم بكل الكلام ده..وسؤال اخير بجد بقي
بيلح عليا اوي..هو احنا مش لما اتولدنا كنا بنات برضه!!!!!!!!!!!!!
معني كده ان اهالينا يعني كانوا زعلانين لما خلفونا!!! اكيد لأ..
واللي بيحصل ان رجاله بتجوز ستات تانيه عشان الولد او يطلقوا مراتاتهم لنفس السبب ده
منتهي الجهل وقله الأيمان,طبعا كل اللي بقوله ده مش قاعده عامه بس بشوفه كتييييير اوي
ياريت اشوف تعليقاتكوا ورأيكوا في الموضوع ده لأني بشوف
كمان موضوعات كتير في النت اللي نفسها في الولد تعمل كذا وتاكل كذا
ربنا يهدي قلوبنا للصواب يارب
kiliopatra kiliopatra فتكات هايلة Fatakat 121708 في المكان اللي فيه حبيبي – مصر