السﻻم عليكم ورحمه الله وبركاته
ياجماعه الله يخليكم ويحفظ اوﻻدكم تطمنو قلبي انا بجد مخنوقه خنقه رهيبه ومايعلم بحالي اﻻ الله
ابني مروان عنده سنتين و3شهور
احب الاول اعرفكم البيئه والظروف اللي هو اتربى فيها عشان جايز حكمكم يختلف
انا مغتربه في السعوديه وحياتي منغلقه تماما بمعنى مبتعاملش مع جيران واﻻ لا اصحاب اد كده
وﻻ بخرج كتير…… ومن اول ماولدت مروان منزلتش مصر اﻻ مرتين وفي كل مره مش بقعد اكتر من شهر
يعني تقريبا كده مبنشوفش ناس ومروان اتربى في بيئه منعزله تماما مبيشوفش اﻻ ابوه وانا
كل ماانزل اجازه اﻻحظ انه بيتطور وبيبدا ينكلم ويتفاعل وكده
بعد ماارجع تاني لنظام العزله الولد يرجع يتاخر تاني
بس دايما لما بتتاح فرصه لينا اني اسافر لاختي وهي في بلد تانيه واقعد عندها اسبوعين مثﻻ بﻻحظ فرق تدريجي للاحسن في حاله م
المهم خليني اوصفلكم بلزبط
مروام اتولد قيصري ورضع رضاعه طبيعيه وحملت لما كان عنده سنه و4شهور وفطمته سنه و5شهر
وطول فتره حملي كنت تعبانه ومش قادره اتحرك من السرير وكنت مقصره معاه وعلطول التلفزيون شغال وهو قدامه على طيور الجنه
دلوقتي مروان ابني
..تنادي عليه ميبصش بس لو ناديت كتيييير اوي ممكن يبص بس مش بيتكلم
حاجه خالص وﻻ ماما ﻻبابا وﻻ اي كﻻم
بيحب يجري في الصاله رايح جاي
بيمشي على اطراف اصابعه احيانا
بيحب يبحلق في السقف
اكله وشربه عادي بس انتقائي في اكله شويه
بيحب اوي يلعب عالتابلت وبيفهم فيه كويس ججا وكمان في التلفون وبيتعامل مع التاتش زي حد كبير
بيهذي بكلمات مش مفهومه وميحبني اقلد الكلمات دي ويبص في عيني وانا بقلده لما بنلعب مع بعض برضه بيبص في عيني وهو مبسوط اني بﻻعبع لعبع بيحبها يعني تواصل بصري موجود بس مش قوي
بيقبل الاحضان عادي مني ومن ابوه مبيرفضش
كل يوم كان بيمر كنت بشوف ابني طبيعي لحد مابدات اركز في الاعراض اللي فاتت دي بجد بدات اقلق اوي بقالي يومين منهاره كل مااشوفه
بيمشي على طراطيف صوابعه بنهار في العياط وحاسه بالزنب اوي.
على فكره لما بنخرج بره مع اسر وبنقعد عالبحر بيجري بعييد وممكن يلعب مع الاطفال بس مش كتير ولو حد اتعامل معاه برفض بيبعد عنه ومسااالم جدا لو حد خد منه حاجه مبيتمسكش بيها
قولولي بالله عليكم انا مليش غيركم بعد ربنا والله مابنام ولا قادره اعمل حاجه في حياتي من انشغالي على ابني
جمالي في كبريائي جمالي في كبريائي فتكات نشيطة Fatakat 783315 الدمام – السعوديه