انا كنت حامل من حوالى اربع او خمس شهور وحصلى اجهاض فى اخر التالت والاجهاض كان يوم 20/1 بعد الاجهاض عملت عمليه تنضيف بس الدم فضل نازل عليا نقط يعنى بعد كده نزل دم كتير فى اليوم 32 اعتبرتها الدوره والدكتور قالى دوره وبعدها برضه فى اليوم ال32 نزلت الدوره اللى وراها الشهر اللى وراها بقى قلت هتنزل 32 لقيتها نزلت 28 زى ماكانت قبل كده قلت يمكن عشان عملت مجهود قبلها عشان كان فرح اختر دلوقتى بقى الشهر ده قولت هتنزل ياما 28 ياما 32 استنيت 28 منزلتش تانى يوم عملت اختبار حمل منزلى اللى هوه بيبى تشيك ظهر الخط الاول وبعدها ب5 دقايق ضهر الخط التانى هوه واضح بس مش زى الاول ومرحش وبعدها جبت اختبارين من اللى هما ب3 جنيه مظهرش ولا خط قلت يمكن بايظين بعدها قلت لاجوزى اروح اعمل تحليل دم احسن فى اليوم 30 قالولى مظهرش لاسلبى ولا ايجابى بقيت مستغربه حاجه تحير ماهو ياسلبى ياايجابى ونا مروحه من المعمل جبت اختبار اسمه بيبى تيست ظهر خط واحد بس احترت جدا وقلت يبقى هتيجى فى اليوم ال32 برضه منزلتش جبت اختبار مجهول المصدر اللى لقيته قدامى وعملته فى اليوم 33 برضه ظهر خط واحد ولحد دلو قتى منزلتش انا كشفت بعد الاجهاض طلع عندى قرحه فى عنق الرحم صغيره جدا والدكتور ادانى علاج ليها وادانى شويه فيتامينات فيتامين ها وحمض الفوليك وفيتامبن سي وكل اللى حاسه بيها نغز على فترات متباعده فى حلمات صدرى واحيانا فى المبيض الشمال وعندى جفاف فى المهبل اللى حصل معاها كده فى اختبارات الحمل يفيدنى ارجوكم وادعولى ابقى حامل
ام نودا ام نودا فتكات متميزة Fatakat 486643 Qena – Cario
سبحان الله و بحمده