انا متزوجه من سنه وشهر بالظبط ومن اول شهر وانا انتظر واتعشم ان البريود متجيش وللاسف تيجي وازززعل وبعدها اعد ادعي ربنا كتير انه يرزقني ويفرحني ولما كملت اربع شهور رحت للدكتورة وتابعت تبويض وقالتلي تماام الحمد لله والامل رجع فيا من تاني وبقيت بقي حرص فظيييييع بعد العلاقه اني استني ع ضهري واحط مخده تحتي والكلام اللي انتم عارفينه وجت البريود بردو الدكتوره طلبت مني تحليل زوجي وطلع الحمد لله سليم فبقيت محتاااااااره لدرجه بعيط وانا بصلي واقول لربنا مش عاوز تديني ليه استغفر الله العظيم بس غصب عني والله وكل شهر رحله الامل اللي تنتهبي بكبسه وزهقت ومليت من الانتظار انا البريود بتاعتي من قبل الجواز 28 يوم وبعد الجواز بقت تيجي نفس التاريخ كل شهر يعني 31 يوم وكل ما اقول لدكتوره كده تقولي عااادي وانا حاسه انه مش عادي لحد ما كنت ف مصر ولقيت البريود جت 28 يوم زي زمان لما رجعت الرياض هنا تاني صممت اني اراقب البويضه واشوفها بتخرج امتي وهل ف الوقت الصح ولا لا ؟ وطلع شششكي ف محله الدكتوره ادتني كلوميد وتابعت تبويض اليوم العاشر لقت 3 بويضات حجمهم مناسب ف ادتني ف اليوم ده ابره تفجيريه كوريمون 10000 وقالتلي تعالي بعد ما يفوت 36 ساعه ونشوف لقيت البويضات زي ما هم ف المبيض مخرجوش وكنت وقتها بقيت اليوم ال 12 ف ادتني ابره تاني بس 5000 بقي وبردو رحتلها بعد ما فات ال 36 ساعه ولقيتهم كبرووو ومخرجوش للاسف بردو ساعتها بس اكتشفت المشكله ان البويضه المفروض تخرج لما توصل لحجم معين اقصاه 20 ولو مخرجتش وكبرت عن كده لما بتخرج بقي وهي كبييييرة كده بتكون غير صالحه للتلقيح وفهمت سر تاخير البريود 3 ايام .. بمعني المفروض من بعد خروج البويضه تعدي 14 يوم وتنزل بريود تمام؟ انا بقي المفروض تنزل اقصاها اليوم 14 بيكون حجمها 20 مل وزي الفل لما كبرو عندي وصلو لحجم 26 عشان خرجو اليوم ال17 بالتلي تتاخر البريود ولحد دلوقتي مفهمتش ايه سر خروجها متاخررر مع ان التحاليل كلها بتقول اني سليمه … سبحانك يااااااااااااارب حكمتك تفتكرو ده تفسيره ايه ؟؟ والشهر الوحيد اللي تخرج بحجم مناسب ف اليوم المناسب اكون بعيده عن زوجي ؟؟ حد عنده حل لمشكلتي ؟ في حد جرب الوضع ده ؟؟ طمنوني بالله عليكم انا تعبااانه نفسيا وبتصعب عليا نفسي اوووي ومش بشتكي لماما بقول كفايه عليها اني بعيده عنها مش هشيلها هم اكتررر انا عارفه انها حاسه بيا بس مش بحاول اوصلها اني حززينه علطول ربنا يارب يرزقني ويرزق كل مشتاقه يااااااااااااارب
fstokt alb ahmed fstokt alb ahmed 801045_1.gif فتكات متميزة Fatakat 801045 الرياض – السعوديه
سبحان الله و بحمده