بصو بقي انا جايه افيد البنات اللي بتدخل تقول عايزه اخس 10 كيلو فاسبوع و عايزه اخس 20 كيلو في اسبوعين
المشكله كلها في ان زي ما بنكون نايمين و بنصحي فجأه كده ايه ده انا تخنت 70 كيلو و لازم اخسهم في يومين ضروري
و الانظمه اللي بنمشي عليها والله مش صحيه تماما و بتبهدل البشره و الشعر و النظر
انا قبل كده كنت 90 كيلو و عديتهم ووصلت ل 80 و وزني ثبت لوحده و بعدها نزلت ل 74 و رجعت تخنت ل 81 كيلو و دلوقتي بعمل اللي كنت بعمله قبل كده و ربنا يكرم و اقدر اوصل للوزن اللي انا عوزاه
بصو بقي يا بنات المشكله كلها ف ايه فالتفكير فالاكل نفسه
يعني لما وصلت ل 90 كيلو و ابتديت اقول لازم اعمل ريجيم المشكله كلها فأني طول الوقت انا لازم فالوقت الفلاني اكل كذا مكنتش بسيبها اني لما اجوع اكل لا
كل تفكيري هاكل ايه و امتي
كنت اشوف الحلويات و ابعد عنها عشان اخس بس من جوايا مخنوقه و متضايقه و حاسه بالنقص
و اول الريجيمات بقي اكتب في جوجل ريجيم يخسس 30 كيلو فالشهر و افتح الاقي طول اليوم زبادي او لبن او فاكهه نوع واحد و بس و حاجات مفيش مخلوق يقدر عليها
و بعدين بصيت لوالدتي اللي راحت لدكاتره ريجيم كتير جدا و كانت تخسس و توصل للوزن المعقول و ترجع تتخن تاني ليييييييييييييييييييييييه؟؟
عشان المشكله فالتفكير اني هحرم نفسي من الاكل و هعزب نفسي شويه و بعدها هيجي الفرج بقي و هاكل و ادبها و ابقي براحتي
و دي كارثه لان عضل الجسم من التمدد و الانكماش بيتبهدل و بعد كده التخسيس بيبقي بصعوبه جدا عن كل مره
المهم بعد الرغي الكتير نيجي للمهم و نقول انا بعمل ايه
انا فكرت اني ليه ماكلش كل اللي ف نفسي بس بحدود يعني ممنعش نفسي من حاجه بس اقلل اكلي
بمعني اني فالعادي بحب الشيكولاته جدا و كنت لما افتح التلاجه لو لاقيت 10 باكلهم كلهم مره واحده
و لو لاقيت قطعه متبقيه كنت باكلها و بشبع من الشوكولاته برضو و بحس بمتعه اكلها
فا فهمت اني مشكلتي اني عامله حساب للاكل يعني انا عايزه اكل من الحاجه اللي بحبها اكبر كم مع ان القليل عن الكتير مش هيفرق بس اهو طفاسه
فا بقيت اصحي الصبح بدري اعمل كوبايه نسكافيه و افطر اكل البيت زيي زيهم بالظبط بس الفرق ان انا بقلل العيش
يعني العيش اخري اوووووووي نص رغيف و احط في اللي انا عوزاه بيض فول جبنه اي حاجه مش مهم
لو بين الفطار و الغدا جوعت بقيت اكل فاكهه ومش بمنع نفسي من اي نوع فاكهه بس الفكره فالكميه يعني مثلا معروف ان المانجه ممنوعه في الانظمه لا كنت باكلها عادي بس مثلا اخد نص واحده او شريحه منها
الغدا كنت اركز علي اللحوم و السلطه اكتر من الرز و المكرونه و كنت اخد 3 او 4 معالق مكرونه او رز و اوقات مكنتش بكملهم اصلا
و بعد الغدا لو جوعت بشرب نسكافيه اكل فاكهه
و العشا كنت اشرب لبن و اعمل ربع رغيف بأي نوع جبنه و ساعات نص عادي بس مش بنام بعدها علي طول
و اي وقت كنت اجوع في كنت باكل فاكهه
والله و بحلف كانت حياتي صحيه جدااااااااا و خسيت 10 كيلو في حوالي سنه و مكنتش بحرم نفسي من حاجه
يعني مثلا اوقات كانت ماما تجيب شيكولاته كنت اخد قالب
اوقات لب اخد شويه صغيرين اوي
اوقات نفسي تجيبني علي البيبي اخد شويه صغيرين اوي
و كنت بعمل يوم في الاسبوع بس مش بحددو حسب نفسي اكل في اللي احبه بس والله كنت حتي اليوم ده مبعكش في لاني كنت اتعودت علي نظام اكل معين
بس الفتره دي رجعت ابهدل الدنيا تاني بس نويت اني ارجع للنظام ده تاني
صدقوني والله يا بنات الانظمه الصعبه دي غلط جدا و بترجع الجسم لنفس الوزن تاني يأما تفضل حياتك كلها في حرمان عشان تحافظي علي تعبك
و ياااااااااارب اكون افدتكم
dina19151 dina19151 سوبر فتكات Fatakat 637648 القاهره – مصر