بصوا يا فتوكات انا هعرفكم بنفسى الاول انا زهقت جداااااااا من نفسى و نفسى ربنا يقدرنى و اخس و ان شاء الله نويت ابدأ دايت من انهاردة من السحور
مش هقول من بكرة و نقعد نأجل
بصوا انتى لازم تكوتى واخده الموضوع جد اكيد كل واحدة فينا نفسها تتغير و يبقى شكلها احسن و تخلص بقى من التخن و سنينة
النظام بتاعنا هيكون الكلاسيك
بمعنى ان
السحور زبادى و 2 ثمرة فاكهه ما عدا الممنوع
الفطار هيكون 3 ملاعق ارز او مكرونة او ربع رغيف بلدى + طبق سلطة خضرا كبير + 2 بيضة مسلوقة او قطعة لحم مسلوقة او صدر فرخة مسلوق او مشوى او 2 سمكة مسلوقة او مشوية او علبه تونة مصفاه من الزيت
طيب بين الوجبات لو جوعنا مش هنلخبط ان شاء الله و مسموح لينا بسطلة خضرا خيار و خس و جزر و بقدونس و كرات و فلفل اخضر و جرجير و فجل و فى كذا حاجة تانية كتيـــــــر
شوية ملحوظات هامة
1_ الفاكهه المسموحة هيا
تفاح و خوخ و موز و يوسفى و جوافة و كانتلوب و كمثرى و برقوق و برتقال
2_ الفاكهه الممنوع هيا
بلح و تين و شمام و مانجو و قصب و عنب و البطيخ و المشمش
3_الممنوعات ) نركز اوى فى الممنوعات )
*جميع انواع الحلويات بما فيها اللبان
*اللب و السودانى و المكسرات
*الشطة و الحوادق و المخللات
*القهوة و المياه الغازية يجميع انواعها
*اللحوم الدسمة و الكبدة و الكلاوى و البسطمة و الانشون
*القلقاس و القرنبيط و البسلة و البطاطس
*الخضروات الناشفة زى الفاصوليا الناشفة و اللوبيا الناشفة
*البقوليات فيما عدا الفول بدون زيت
*الحمام _ البط _ الوز _ الديك الرومى
4_ مسموح فى اليوم بتناول 2 معلقة سكر صغيرة او 2 عسل نحل كبيرة
5_المشروبات المسموحة شاى احمر و نعناع و ينسون و ليمون و كركدية
6_ مسموح بسكر الدايت فى اى وقت و اى كمية
7_ممنوع الشرب وسط الاكل
8_مشى على الاقل فى اليوم نص ساعة و دى حاجه اساسية ياااااااا ريت نعملها
9_شرب 6 كوب ماء على الاقل فى اليوم
و اخيرا الالتزااااااااااااااااااااااااام ابوس ايديكم
احنا انهاردة 13 رمضان عاوزين على اخر الشهر نكون خاسين على الاقل 5 او 6 كيلو
و ندخل على العيد بقى بنيو لوك جديد
كفاية اللخبطة اللى لخبطناها كتيـــــر من اول رمضان
حاجة تانية ان شاء الله الوزن هيبقى كل يوم سبت و بعد الوزن ليكى وجبة واحدة فرى تاخدى من الممنوعات بكميات قليله وجبة واحدة
و اى استفسار انا تحت امركم
و على فكرة النظام دة انا واخداه من دكتورة و عن تجربة كنت الحمد لله بنزل 3 كيلو فى الاسبوع
اللى تحب تشارك معايا هتكتب
الوزن
الطول
الهدف الاول
الهدف التانى
الهدف الاخير
جربتى رجييم قبل كدة و لا لأ و جاب نتيجة و لا جسمك ما استجابش
مستناكم و يا ريت تشجعونى و نشجع بعض كلنا
و ما تنسوش التقييم
هنا2017 هنا2017 194266_11.gif فتكات ست الكل Fatakat 194266 الجيزة – مصر