السلام عليكم ورحمة الله وبركاته ..
ازيكم يا فتوكات …
أنا كان عندي سؤال كده ..
دلوقتي انا شعري زمان كان مفيش أتقل منه وكانت الكوافيره بتقعد ااااد كده على بال ما تستشورهولي لو في مناسبة او حاجه ..
وكان كف ايدي مايلمهوش تخيلوا !! من كتر تقله ..
ده لما كان عندي 12 وأقل ..~
الموهم أول ما دخلت سن المراهقة ، وشفت لمز وهمز البنات عليا عشان كنت تخينة جدا كان وزني 78 وطولي 157 ، تخيلوا البنات حتى قرايبي كانوا بيتريقوا عليا عشان كنت كلبوظة ..
رحت مرة نفسيتي تعبت جدا وقفت قدام المرايا وانا لابسة خفيف خفيف وقلت لا : لازم لازم اتغير وانزل وزني مينفعش كده ! انا مش هسمح لأي حد إنه يتريق عليا
وحدث ما حدث …
نزلت 20 كيلو بس لوحدي مع نفسي من غير استشارة اي طبيب ، وبقيت 58 كيلو .. بس وزني نزل من هنا وشعري نزل وراه للأسف الشديد …
ودلوقتي انا عندي 17 وباخد فيتامينات بيرفكتيل ،، فهل هي كويسة للشعر ؟؟ يعني ممكن ترجعلي شعري تاني بعد ما اخدها على كورسات يعني 3 شهور وبعدها 3 شهور بإذن الله ؟؟
وممكن شعري يرجع يتقل تاني بعد الاهتمام شوية بالتغذية ؟؟
وعلى فكرهـ انا عملت تحاليل من فترة وطلعت نسبة الهيلموجلوبين في الدم 13 ومعنديش ولله الحمد غدة درقية .. وده اللي فاكراه من التحليل .. والدكتورة طمنتني ساعتها ,,
فأنا سؤالي يا حبيبات ألبي .. ممكن شعري يرجع تاني مع الاهتمام ؟؟ على أساس إنه بيولجيته من زمان إنه تقيل ..
وهو بقى خفيف جدن لدرجة إن بعد كام يوم بس هقرع وهتبان الفراغات فجنب راسي
وشكرا وسوري ع الإطالة ,,,
Banota_Sensitive Banota_Sensitive 507635_6.gif فتكات حبوبة Fatakat 507635 Al-Ain – UAE