ازيكم يا فتوكات؛
يلا عشان انا بنت ناس المره دى هدخل ف الموضوع علطول وهاجى على نفسى المره دى بس ومش هقلكم انى كتبت الموضوع بردو من منطلق مبدأ من قدم خير بيداه التقاه وهنيالك يا فاعل الخير والثواااااااب
طبعا كلنا بنتعقد من الاجانب وبنحقد عليهم (حقد اسود )عشان بشرتهم وجسمهم المشدود ..
بس بردو احنا غلطانين يا بنات شوفوا هما بيهتموا بجسمهم ازاى من رياضة لكريمات لماسكات واهم حاجة فى دول الرياضة و
طبعا اقوى شىء لشد الترهلات هو المشى لمدة لا تقل عن ساعة فى اليوم
ندخل بقى ف الموضوع بلاش وبلاش تقطيم..
دى كذا وصفة واختارى اللى يناسبك منها؛
اولا؛
تجيبى قهوه عاديه او تركى وتخلطيها مع مقدار من
الماء لغاية ما تبقى عجينه وتحطيها على المناطق
اللى عايزة تشديها وبعدين تعملى مساج مع اتجاه عقارب
الساعة لمدة خمس دقائق وعكسها وبعدين
تشطفيها بماء بارد
وووووو
الوصفة التانية؛
تجيبى ملعقة صغيرة شبه مطحونة
ملعقتين من اي كريم للجسم
3 ملاعق جلسرين
3 ملاعق زيت زيتون
ملعقة صغيرة ماء ورد
ونصف ليمونة
ودى كمان وصفة تخلطى زيت الياسمين بزيت القرنفل بنسب متساوية وتدهنيهم على المناطق المترهلة لحد ما تتشد ان شاء الله وممكن تستخدمى كل واحد لوحده
ودى كمااااااان وصفة انك تخلطى العسل بالدقيق لشد البطن وتسبيه لحد ما ينشف وتفركيه
واخيرا ؛
وشرب المايه الكتييييييييييييير خلال اليوم بيساعد جدا ف منع وازاله الترهلات عشان شرب الميه الكتيييير بيدعم الجهاز الدوري ويساعد على التخلص من السموم والدهون ويمنع تكون السيلولايت.
ودى الحته السيكا يا مزيكا عجبتنى ف لطشتها..
ينصح الأطباء بتدليك مكان الترهل حتى تتحسن الدورة الدموية في المنطقة المصابة مما يخفف من أثار الترهل وكذلك وضع الكريمات المرطبة على المنطقة يساعد بشكل كبير. بالإضافة إلى تناول الأغذية المفيدة للجلد مثل الأغذية المحتوية على فيتامينات C و E و silica التي تساعد في تكوين الكولاجين.
ويلا بقى بلاش كسل شويه رياضة (بدل الحقد على الاجانب) بس هسيبكم مع الصور..
وبكده يااااااااااارب اكون افدتكم يا احلى مزز…
ومش هشحت الدعوة ولا الردود هسيبكم لضميركم بقى…
زهورة الأمورة زهورة الأمورة 425973_4.gif فتكات رائعة Fatakat 425973 محافظة قنا – مصر