السلام عليكم و رحمة الله
انا عندي 25 سنة و آنسة كنت مريضة بالانزلاق الغضروفي و كان ماثر علي رجلي و كان مسببلي حالة سقوط قدم و عملت العمليه من سنتين و رجع الانزلاق مرة ثانيه و ده نتيجه ان انا عيشت حياتي طبيعي و كنت بشيل تقيل و بتحرك كتير جهلا مني انه ممكن يرجع تاني بس الحمد لله رب العالمين علي كل شئ و بالفعل روحت للذكتور و عملت اشاعة رنين بالصبغة و طلع عندي غضروفين بس مكنوش ضاغطين علي العصب و اخدت علاج كتير و ارتاحت و نزلت من وزني شي بسيط و لكن بدون نتيجه و مرة واحده حصل تنميل جامد في قدم رجلي و تعب جامد جدا ف رجلي الشمال نفس تعب قبل العمليه الاولي فتوصلت مه الدكتور اني لازم اخف الحمل خالص من رجلي دي لان انا عندي ارداف كبيرة عكس باقي جسمي فحولني لدكتور اسمه احمد الشحات و كشف عليا و حكتله مشكلتي و قالي هننزل الارداف و الهانش و الجزء الداخلي من الفخاد و حكالي عن ظروف العمليه قال انها بتقعد ساعة او ساعة و نص و بخرج في نفس اليوم و بتكون عبارة عن فتحات اقل من 2 سم و مش بتتخيط بتكوم زي فتحات الدرنئة و اني هفضل لابسه كورسيه لمدة 6 اسابيع عشان التورمات و ان الالم هيكون اول يومين بس و بيروح مع المسكنات و المضاد الحيوي و تكلفتها 10 الاف جنية
ياريت اي حد منكو يا اخواتي عنده فكرة يفيدني الله يكرمكوا لان والدتي و انا قلقانين جدا لان بالتسبة ليا شئ جديد و ثقافة التجميل عندنا مش متعمقة اوي زي باقي المجالات الطبية التانيه
ayoosh89 ayoosh89 فتكات جديدة Fatakat 1243558 القاهرة – مصر
سبحان الله و بحمده