السلام عليكم ورحمة الله وبركاته
اخباركم ايه يا بنات ؟؟ واخبار اول يوم ريجيم ؟ان شاء الله ماتكونوش دوقتوا حتة كده من حلة ولا من طاسة
المهم يا بنات :
اول حاجة باركولي انا الحمدلله بقالي اربع ايام ملتزمة بالريجيم بس انا بدأت معاكو تاني من النهاردة ان شاء الله وحكمل معاكو بالضبط زي النظام علشان نبقى ماشيين مع بعض
ثاني حاجة :
انا بجد لقييت فكرة روووعة علشان تساعدك على تحدي نفسك والثبات على الريجيم
ورقة التلاجة ايوووة ورقة التلاجة : اخدت ورقة وكتبت عليها فوق : الأسبوع الأول
وتحت :
اليوم الاول:
اليوم الثاني: إلخخخ
وكل يوم قبل ما انام بكتب درجتي في الالتزام بالريجيم : الحمدلله طول الأيام اللي فاتت اخدت 100%
بجد بتشجع جداً ^^ المهم امبارح كنت بعمل لبابا وماما طحينة ولحست صوباعي بعد ما عملتها
ولقيت ان كده غلط فعلاً يعني لحسة ورا لحسة حتجر مصااايب . رحت مشيت جري على ورقة التلاجة وكتبت عليها باللون الأحمر : خصم درجااات على التذوق بس بجد يا بنات الفكرة دي جميلة ونفعت معايا جداً . بحس احساس جميل لما كل يوم قبل ما انام اكتب 100% وبحس اني عملت حاجة في يومي ^^
المــهم بقا يا بنات انا ظبطت اسماء المشتركات وكتبتها تحت اهو :
1- ضحوكة96 ( الوزن :91 الطول : 160 الهدف الأول : 85 )
2- batoooty ( الوزن : 84 الطول : 164 الهدف الأول : 70 )
3-lovele_eye ( الوزن : 77 الطول : 153 الهدف الأول : 70 )
4-gogo kool ( الوزن : 99 الطول : 160 )
5-berry angel ( الوزن : 76 الطول : 156 الهدف الأول : 69 )
6- شيمو السكرة ( بانتظار الرد ^^ )
وحنعمل بقا على المشتركات نظام نقاط :
على كل أسبوع عشر نقاط .
نقصان عشر درجات في نظام اليوم " اللي على ورقة التلاجة ^^ : يخصم نقطة من الأسبوع .
وعدم الالتزام بكتابة اليوميات يخصم ربع نقطة على كل يوم .
واللي نقاطها حتقل عن خمسة حنبهدلها حنخليها تلف تكنس المدونة كله وبجد اللي نقاطها تقل عن خمسة دي : كل واحدة فينا حيكون من حقها تطلب منها طلبات من على الانترنت يعني مثلاً ممكن اطلب منها صور شرابات بمبي وممكن واحدة تانية تطلب منها تألف لنا بيت ولا بيتين شعر كده حلويين ويا سلام بقى لو وحدة طلبت منها تعمل ورشة كروشية لفستان طووويل وصععب .
ايه رايكوا يا بناتا في اللعبة دي ؟؟ مش حلوة ؟؟
يلا يا بناااات كلووو يبدأ بحماااس وتفاؤل وضروري كل واحدة تدخل تكتب يومياتهااا ..
اااه صح ومتنسوش تقييم الموضوع علشان يبقى فوووق
في أمان الله
ضحوكة96 ضحوكة96 فتكات حبوبة Fatakat 532974 الاسكندرية – مصر